KHAWWTA'S THOUGHTS

The Lebanon I Dream of: 45 minutes movie

2011-11-24T13:28:00.001+02:00

لبنان اللي بحلم فيه

بيعبولنا راسنا معلومات وبيفرغونا من انسانيتنا

بيعلّمونا نكون اجتماعيين وما بيفهمونا قيمة الأخلاق

بيعلمونا ننتمي لكل الأوطان بس مش للبنان

بيحفظونا تاريخ كل الحضارات وكل الدول وما بيعرفوايتفقوا ع تاريخ يجمعنا

بيختصروا كل الأديان بطوايف مسيّسة ومفصّلة عقياسون

كل استقلال ولبنان بألف خير

The Lebanon I Dream of :

http://www.youtube.com/watch?v=L76AERqV8jc&sns=em

Thoughts

2011-11-10T08:08:00.002+02:00

يا ساكن أفكاري وعارف كل اسراري

صارلي سنين بحبّك وبعدو لهلّق قلبَك بحالي مش داري

يا ساكن أفكاري

MASK

2011-11-01T08:52:00.000+02:00

It's not who you are underneath

It's what you do that defines you..

2011-11-01T08:40:00.000+02:00

نمت بلا ماتحسّي
غرت عليكي من حرامي
شفت تيابِك عالكرسي
أنا قمت وبوّستِ تيابِك
الله بيعلم شو حسيت لما فستانك ضميت
يا ريت بقضي يا ريت ليلة مطرح فستانِك

2011-07-22T15:25:00.001+03:00

2011-06-23T13:47:00.002+03:00

......

"The Greatest Ignorance Is To Reject Something You Know Nothing About"

..................

2011-05-18T10:58:00.006+03:00

That's How My CAR Looks Like In The Morning

It's really unusual to experience Mud Rain in Lebanon

But

Maybe it's not unusual..

Certainly the Mud Rain is influenced by the Political Situation in Lebanon:

"It's full of Shit"

2011-04-04T07:52:00.003+03:00

000000000000

Be Without Fear in the Face of your Enemies.

Be Brave and Upright, that God may Love Thee.

Speak the Truth always, even if it leads to your Death.

Safeguard the Helpless and Do No Wrong;

That is you Oath.

000000000000

Knight's Oath-Kingdom of Heaven

00000000000000000

2011-03-24T13:22:00.004+02:00

A Prayer For Leila

.............................

..........

I Missed You A lot

.....

.....
May Your Soul Rest In Peace

.............

2011-03-01T09:11:00.006+02:00

My Secend Trip to DUBAI...

.........

ATLANTIS at the Palm Island

Aquaventure

Burj Dubai /Burj Khalifa

Burj Dubai at night

Burj Dubai from the highway

Mina el Salam -Jumeirah Beach

Dubai Fountain Near Burj Dubai /Burj Khalifa

What A lovely Fountain

Amazing Ferrari World

AROMA Cafe the cutest restaurant

I really Enjoyed my Time

2011-02-04T15:26:00.003+02:00

"I would rather Live a short Life of GLORY than a long one of Obscurity"

....

Alexander The Great

.....

2011-01-17T21:23:00.002+02:00

....

خليكِ قوية دايماً متل ما منعرفِك

صخرة قوية متل جبال الصوان

....

2011-01-10T15:31:00.001+02:00

.............

FREE AS A BIRD

.................

2011-01-06T13:08:00.002+02:00

Birthday Of Gibran Khalil Gibran
.......

لا تجالس أنصاف العشاق، ولا تصادق أنصاف الأصدقاء، لا تقرأ لأنصاف الموهوبين، لا تعش نصف حياة، ولا تمت نصف موت، لا تختر نصف حل، ولا تقف في منتصف الحقيقة، لا تحلم نصف حلم، ولا تتعلق بنصف أمل، إذا صمتّ.. فاصمت حتى النهاية، وإذا تكلمت.. فتكلّم حتى النهاية، لا تصمت كي تتكلم، ولا تتكلم كي تصمت.
إذا رضيت فعبّر عن رضاك، لا تصطنع نصف رضا، وإذا رفضت.. فعبّر عن رفضك، لأن نصف الرفض قبول.. النصف هو حياة لم تعشها، وهو كلمة لم تقلها، وهو ابتسامة أجّلتها، وهو حب لم تصل إليه، وهو صداقة لم تعرفها.. النصف هو ما يجعلك غريباً عن أقرب الناس إليك، وهو ما يجعل أقرب الناس إليك غرباء عنك، النصف هو أن تصل وأن لاتصل، أن تعمل وأن لا تعمل، أن تغيب وأن تحضر.. النصف هو أنت، عندما لا تكون أنت.. لأنك لم تعرف من أنت. النصف هو أن لا تعرف من أنت .. ومن تحب ليس نصفك الآخر.. هو أنت في مكان آخر في الوقت نفسه!!..
نصف شربة لن تروي ظمأك، ونصف وجبة لن تشبع جوعك، نصف طريق لن يوصلك إلى أي مكان، ونصف فكرة لن تعطي لك نتيجة.. النصف هو لحظة عجزك وأنت لست بعاجز.. لأنك لست نصف إنسان. أنت إنسان.. وجدت كي تعيش الحياة، وليس كي تعيش نصف حياة!!
.............

{جبران خليل جبران}

2010-12-30T07:47:00.004+02:00

.......

"We are all broken and wounded in this world. Some choose to grow strong at the broken places."

.....

New Year's Resolution

Grow Strong at the Broken Places

........

2010-11-15T09:35:00.003+02:00

ليلى

****

الليل يا ليلى يعاتبني

ويقول لي سلّم على ليلى

فالحب لا تحلو نسائمه

إلا إذا غنى الهوا ليلى

****

دروب الحيي تسألني

ترى هل سافرت ليلى

وطيب الشوق يحملني

إلى عينيك يا ليلى

****

لأجلكِ يطلعُ القمرُ

خجولاً كله خفر

وكم يحلو لهُ السفرُ

إلى عينيكِ يا ليلى

****

لنا الأيام تبتسم

ولا همس ولا نغم

وماذا ينفعُ الندم

نديم الروح يا ليلى

****

رجعت ألم أحلامي

وأحيا بين أنغامي

وغاب ربيع أيامي

وليلى لم تزل ليلى

****

رح إشتقلِك

****

2010-10-22T10:39:00.005+03:00

من أربع سنين

.......

متل هالفترة من 4 سنين، خلقت فكرة هالمدونة وكان أول نص كتبتو هو :
http://khawwta.blogspot.com/2006/10/blog-post.html
بعدني بفكر ذات الشي بس قبل كان عندي حلم إني معقول غير او عالقليلة كان عندي إيمان إنو لبنان بيتغير
اليوم صار عندي قناعة إنه ما معقول نصير أحسن
حمدالله عشت إيام حلوة ما كان عندي هم أمّن مستقبلي ولا كان بالي خبي قرشي الأبيض ليومي الأسود ببلد ما بيحترم لا الطفل ولا الختيار..
حمدالله خلقت ببلد إسمو لبنان

قدرت بحياتي أعرف ليش غنولو لبنان الأخضر
شميت ريحة التراب بعد أول شتوة
سمعت صوت الضفادع بأول أيار
شفت الدني عم تتلج ولعبت تجلّدو إيديي
مشيت تحت الشتي وراقبت عصافير عم تهاجر وترجع
نزلت وادي قنوبين مشي، خيّمت بكعب الوادي وطلعت بلا ما إتعب سمعت الرحابني، فيروز، وديع الصافي

تضحكت على بالنسبة لبكرا شو وأوتيل صح النوم..

سمعت جراس الكنايس عم تدق وشفت كيف بيعملو فخار

عبيت ميّ من العين، شفت جرن الكبي والصاج وعرفت طعمة التبولة..
وقطفت تفاح وتين وعنب من جنينة جدي..
ركعت وضويت شمعة بمارشربل وحريصا وعشت بزمن القديسين..
تمشيت بسوق جبيل، وشميت ريحة أرز الرب وشفت أكبر غابة أرز بلبنان ..
قضيت أسبوع من العمر بجزين
وسمعت عواميد فقرا عم بيغنو
بليت إجريي بمي البحر وتراب الضيعة
سمريت تحت شماسي آب عشط الجيّة

لعبت بالبيسكلات عطريق الجبل زسقت سيارتي من بيروت لصنين
سهرت مع ضو القمر ونجوم ضيعتنا
نسّم عليي هوا الخريف ولميت ورق الأصفر بآخر تشرين
...
يمكن محكوم علينا نعيش ببلد رايح للانهيار
بس عالقليلة عشنا إيام حلوة ما بتخايل قادرين نعيشا لو كنا بحيلا مطرح تاني.. هيدا لبنان انشالله يبقى للجيل الجديد إشيا حلوة يخبرو عنّا..

2010-09-24T10:25:00.004+03:00

From Death Into Life

.....

.....GEORGES Passed Away
on Saturday September 18,2010
..................

May His Soul Rest In Peace

...........

2010-09-13T08:10:00.004+03:00

...

I Believe That You're The Only One

Who Can Save Him

Dear LORD Help Georges

Please Don't Give Up On Him

...............

2010-07-27T17:53:00.006+03:00

بكاسين.. قضاء جزين

....

جزين

.......

2010-07-15T08:14:00.004+03:00

غريبة هالدني

...

عنجد إنو كل إنسان بيكون بالو بهمو

بهاللحظة بالذات بيكون كل نسمة بالعالم عم تعمل شي

طفل عم يخلق وطفل عم بيموت

ناس عم يتجوزوا وناس عم بيطلقوا

تلميذ عم يدرس للحفص، وتلميذ عم بيقدم فحص وتلميذ عم ياخذ نتيجتو

حدا عم يعمل حادث سيارة وحدا مات بحادث

حدا عم يشتري سيارة وحدا عم يلعن الساعة الي اشترا فيا السيارة

حبيبين بشهر العسل، وتنين غيرون عم يفترقوا

حدا عم يقتل

حدا عم بيموت من المرض

حدا عم يسرق وحدا عم بيوزع مصاري عالفقرا

حدا هربان من البوليس وحدا عم يبفوت على الحبس

حدا عم بيصنع قنبلة ذرية وحدا عم بيصنع مكواية

حدا عم يركض ليضعف وحدا عم ياكل ليشبع

طفل عم تعملو إمو ريجيم وطفل عم يشحد لقمة الخبز

حدا عم ياكل تفاحة وحدا تاني سوشي

إم عم تبيع إبنا وإم عم تبكي لأن ما فيا تجيب ولاد

طيارة عم تغط وغيرا عم يحلّق

محامي عم يرافع بالمحكمة، مهندس عم يرسم خريطة، طبيب عم بيسكر جرح عملية

خوري عم يوعظ وشيخ عم يأذن

طفلة عم تخرطش وفنان عم يغني

حدا عم يعمل سياحة ومادد إجري وراخيا وغيرو عم يجرب يولّع موقدة ليتدفا من الصقعة

حدا عم بيخون وحدا عم بيقاوم الخيانة

ناس متفاءلة وناس متشاءمة

ناس بدا تموت وناس بدا تعيش

ناس صارت أبطال وناس مجرمين

ناس عم تفتش عمصالحا وناس عم تشقى لمصلحة الكل

ناس كبر قلبا وبتبيض وج البتحبون، وناس بيخيب أملا من يلي حواليا

ناس عم تكفر وناس عم بتصلي

شروق بميلة وغروب بميلة تاني

وبكل هالعجقة في كتار نايمين وعم يحلموا

كتار خلصت معون الحياة بس الحياة بدا تكفي مع غيرون

...

2010-07-05T07:43:00.003+03:00

A Day on the Beach

2010-06-08T12:44:00.003+03:00

شو العمل؟

لما بيملّي الخوف قلبك .... شو العمل؟

لما بيسيطر الغضب على أحاسيسك وكل مشاعرك .... شو العمل؟

لما بيوجعك قلبك .... شو العمل؟

لما بتنزف حزن.... شو العمل؟

............

2010-06-02T15:19:00.001+03:00

....

NO COMMENT

.............

2010-05-17T07:41:00.001+03:00

2010-05-04T15:08:00.002+03:00

شتاء ريتا الطويل

.....
أحد عشر كوكباً -محمود درويش
....

2010-04-23T07:57:00.002+03:00

....

You are never Given a WISH

Without Being Given the power to make it Come True

....

"Richard Bach"

..........

2010-04-23T07:54:00.004+03:00

...

"It's Never Too late To Be Who You Might Have Been.."

...

"It Take Courage to grow Up and Turn Out To Be Who You Really Are..."

....

2010-04-23T07:46:00.004+03:00

............

Here the Test to Find Whether your Mission Earth is Finished:

If you're ALIVE is isn't

....

"Richard Bach"

.....

2010-04-23T07:43:00.002+03:00

......

"Falling Down is not Defeat...

Defeat is when you Refuse to Get Up..."

........

2010-04-02T12:47:00.002+03:00

اليوم علق على خشبة

2010-03-04T14:35:00.005+02:00

"Love Whenever Possible..

It's Always Possible..."

2010-02-04T08:51:00.006+02:00

"أن تتقن فنّ الانتظار"

"لا تمت دون أن تجرب لذة انتظار الحبيب"
.............................................
قف ولا تذهب هذا المساء..
دعني أعتمر الحلم لأقوى على حزني وألمي ..
قف... علّ الأحلام تشبع جوعي وعطشي لمن تطلبه نفسي..
قف على نافذة صمتي.. إنني أعيش حالة انتظار..
قف.. فها أنا أنتظر المجيء دون أن يأتي..
أنتظر وأحلم باللقاء الجميل...
قف على خيبات أملي وشوقي ودموعي..
قف فإنني أعيش حالة انتظار أبدي..
انتظار قطار الوقت علّه يجلب رائحة تشبه رائحة جسد من أحب..
انتظار فنجان قهوة ساخن يشعل ذاكرة جسدي بأنفاس جلادي..
أنتظار يملئني بالحنين إلى مقهى ومقعد وحديث غائب..
حنين إلى من كان يراقب اقترابي من البعيد لأنزل ضيفة على مقعدٍ مجاور لمقعده..
أنتظر الحلم يأتيني ليلاً ليدفيءبرودة نهاري الثقيل..
أنتظر وأنتظر.. إنني في حالة انتظار دائم..
أنتظر علّ اللقاء يقترب.. علّه يرجع الحبيب بعد مساءٍ غاربٍ..
أتدري أيها المساء كيف تنتظر غائبٍ مهاجرٍ؟
أن تتقن فن الانتظار.. يعني أن تشتاق لحضن غائب أبداً، دون أن تشعر بدفئ ملمسه ووجوده..
أن تنتظر.. يعني أن تحبس الإنفاس قبل أن تجيب على هاتفك آملاً أن ينقل إلى مسامعك رنين صوت تحنّ إلى لهيب أنفاسه..
تنتظر فينقلُك الأمل بثوانٍ إلى مكان لا يشبه هذا المكان.. فيذوب انتظارك بكل ما تحمله من أشواق ورغبات..
تنتظر فتتناسى سنين الانتظار مقابل كلمات مشردة على رسائل طال انتظار مجيئها.. فتأتي الرسائل لتزيد من حدة انتظارك..
تنتظر إلى أن تختنق فيك المشاعر عند سماع اسم يشبه اسم حبيبك أو تقرأ ابتسامة تشبه ابتسامته..
تتقن فن الانتظار حتى يختفي احساسك بالزمان والمكان، فتنقلك سنين الانتظار إلى لحظات لقاء مجهول..
وتشرّع نوافذ ذاكرتك في حزنك وفرحك.. في كآبتك وانتصاراتك.. في أحلامك وبريق أيامك..
تنتظر مشحوناً بذكرى آخر لقاء .. علّ الذكرى تروي عطشك الحاضر أبداً فتلتهم صور ذاكرتك على عجل كي لا تتلاشى وتغيب..
تنتظر فتصغى بصمت لفوضى الأصحاب دون أن يشبعك ضجيجهم .. تنتظر وتظل ظمآناً منتظراً ذاك اللقاء ليحطّم بشاعة الصمت وأنين الوحدة...
أن تتقن فن الانتظار .. أي أن يعتصرك الأمل بالمجيء رغم يقينك بعدم المجيء..
تنتظر والشك يتآكلك ويعيث الفوضى في أعماقك ويبعثر حواسك...
تنتظر فتفقد الارتباط بالوجود.. وبكل ما يدور حولك..
تنتظر وكللك شوق.. فيذوب العمر بالانتظار.. انتظار وهم.. انتظار لا لقاء فيه إلا في الحلم..
أن تنتظر مدركاً أنه مهما طال الانتظار فإن المجيء لن يأتي..
أن تنتظر من لا يرغب بالمجيء إليك..
تنتظر وكلّك يقين أنه لن يأتي ...
تنتظر كأنك وجدت لتنتظر، وأنت تدرك أنك لن تنتظر وهم آخر..
تنتظر وتنتظر .. فتتقن فن الانتظار...

...

2010-01-10T13:14:00.002+02:00

MANQUES

2010-01-05T13:19:00.005+02:00

I'm not in the Mood to Celebrate the

New Year

...

2010 a New Decade begins...

......

2009-12-26T21:23:00.006+02:00

Minuit Chretiens

........

Peuple a genoux, attends ta Delivrance

Peuple debout, chante ta Delivrance

Noel.. Noel.. Chantons le Redempteur

......

People kneel down, wait for your Deliverance

People rise and sing your Deliverance

Let Us sing of the Redeemer...

......................

2009-11-26T07:39:00.003+02:00

غني والاّ فقير

الدني صغيرة كتير والناس عم يصغروا أكتر واكتر
ما عم لاقي حدا بيستاهل يعيش بهالدني.. الفقرا هون بكرا بيغنو بهديك الدني، والأغنيا هون رح يفقرو
بتمشي عالطريق بتلاقي ولاد مبهدلين، ختياريي منسيين..
ناس عم تشتري ساعات بألوف الدولارات وناس عم تشحد من الوقت إيد تساعد وحضن يضم
بيقرب العيد كل سنة وبيبعد الفرح كل سنة
كنا ولاد كنا نحلم بالعيد.. بالشجر المزينة والفرص البتبعدنا عن الكتب وبتعطينا ضحكة ما بتخلص..
كنا ننطر بوسة إمي توعينا الصبح لنقوم نفتح هدية العيد .. هدية وحدة مش محل اللعب كلو..

..
كنا صغار وكبرنا..
كانوا الولاد ولاد وما في شي بيفرقون عن بعض ..
حتى منطق الغنى والفقر النتقل للولاد .. صار في ولاد ناطرة تتدفى بأضوية الشجر عالطرقات.. وولاد بتتباهي مين شجرتو أكبر وأحلى
كان عنا حلم.. بتتذكروا قديش كنا نحلم؟

..
تخايلو جيل مقسوم فئتين:
قسم بيحلم برغيف الخبز وبسقف يلمو
وقسم بيلعب بياكل وبينام .. مش عايز يفكر ولا ناقصو شي ليحلم
كان يغمرني فرح كبير قبل العيد.. حمدالله بعدني بحتفل بالعيد أنا وعيلتي متل قبل " امي وبيي واخواتي" وبعدو العيد عندو نكهة خاصة مع ان الأحوال ضيقة..
بس بالرغم من الجهد اللي بعملو تيحافظ عنا العيد عنكهتو الحلوة في حزن بيتحكم بقلبي كل مرة بكون مارقة عالطريق..
-اذا الدني عم تشتي بصير فكر إنو أنا معي سيارة بس هالمعترين رح يمرضو تحت الشتي،
- بوقف حيراني شو بدي نقي تيابي اليوم بالوقت اللي في كتير ناس ما عندا خيار تغير تيابا ولا تتحمم لتصير نظيفة،
- بنقي شو بدي اطبخ شو الترويقة وشو الغدا وإذا كنت آكلة كتير بالنهار بقرر ما إتعشا..

عم تتخايلو نحن منقرر ما ناكل بالوقت الي في ناس ما عندون ياكلو ولا بيقدرو ينقو شو بدون ياكلو.. بياكلو المتوفر عندون..

..
يسوع لما كان عم يحكي الناس الفقرا قالولو تلاميذ: عتمت الدني خلي هالناس يفلو ما عنا نطعميون، كتّر الخبز والسمك وقال لتلاميذو: "هيدا خبز وهيدا سمك طعمو الناس الجوعانين"..

..
صار في كتير ناس جوعانة.. كيف منطعميون يا رب.. نحن مش متلك ..
منخاف نجوع منخبي المصاري ومنخزن اكل ببيوتنا لولادنا ومنمحي من فكرنا كل الناس الداشرة عالطرقات..
منلبس ومنشتري تياب ومنتباهى كل شهر بتياب جديدة وفي ناس عم تموت من الصقعة لأن تيابا تخزقت وما عندا غيرا
نحن منشتغل منقبض مصاري منروح ومنجي.. في ولاد شغلون يفتشو عن لقمة خبز او لمسة عطف وحنان..

...
شو منعمل يا رب؟ كيف منعيش بلا ما نساعد واذا ساعدنا اليوم رح نقدر نساعد بكرا؟
صارو مليار انسان جائع بالعالم.. مليار طالبين رحمتك يا رب.. انت اكيد بتقدر..
هودي ولادك يا رب.. شوف شو بدّك تعمل فيون
نحن قوايا منتخلى عن الضعيف.. الضعيف بيأخرنا وبياخدلنا وقتنا
انت عندك كل الوقت لولادك.. وقادر تخلق قوة من العدم وتعطي بيت للي ما عندو وخبز للجوعان..
نحن مش فاضيين عنا شغل كتير وملهيين باشيا اهم من الرحمة والمحبة.. انت وقتك إلك فيك تغرف رحمة ومحبة وتوزع عليون..
أنانيتنا بتمنعنا يا رب، بيمنعنا خوفنا من ان نصير ضعاف ..
ما منحبون لأنا منحب ولادنا.. منخاف حبنا للفقرا ياخود شي من طريق ولادنا
الفقرا ولادك ونحن ولادك.. نحن عطيتنا القوة والفرص لنكون احسن وهني خلقتون لتجرب محبتنا الك فيون.. هني على صورتك ومثالك ونحن ما عم نقشعك غير بالمراية، مننسى انو انت هني وان كل ما بيطلع فينا فقير بتكون انت عم تشوفنا، وأن كل ما بيبرد مشرد انت بتبرد ونحن دفيانين..

..
بتعرف يا رب.. الهيئة نحن الضعاف وهني القوايا..
هني ضعاف هون، بس قوايا فيك.. قلبون مليان فيك وبمحبتك.. صحيح فقرا بس بكرا بيغتنو فيك.
نحن قوايا هون بس قلبنا فاضي وبعاد عنك.. بكرا بس تخلص الدني منصير نحن الفقرا وبيصيرو هني الورثة لمملكتك وبيبقوا معك لأن أنت وحدَك الفرح الحقيقي..

....

2009-11-20T13:46:00.000+02:00

تسلم يا عسكر لبنان

2009-10-05T07:50:00.001+03:00

شو هالإيام اللي وصولنالا

بيقولولك من عرق جبينو

طلّع مصاري هالإنسان
طيب كيف هيدا و كيف ملايينو
و لا مره شايفينو عرقان

....

...

2009-09-02T07:24:00.002+03:00

كل الإحتمالات واردة

.
إيام بتكون بين اصحابك أو اهلك وبتبقى مرتاح ومبسوط
وإيام بتكون بين الناس وبتحس الدني فاضية وانتَ لوحدك

وايام بتبقى مطوووش من العجقة وعبالك تكون لحالك
وايام بتخنقك الوحدة وبتصير تفتش عمين يكون معك

ايام بتحلم أن عندك قصر وسيارات وشبيك لبيك عبدَك بين ايديك
وايام بتقول حمدالله عهالنعمة بفضل كون عقد حالي ولا كون مرتاح ما بسأل عن غيري

ايام بتكون عم تحضر شي فيلم أو مسلسل بتتمنى تكون واحد من هالشخصيات وتترك حياتك وناسك
وايام بتشكر ربك أنو منّك ولا شخصية من هالشخصيات وان ربنا نَعَم عليك وخلقك محل ما إنت

ايام بتجي الإيام وبتروح وانتَ ولا داري وكانك مش حاسس بالوقت
وايام بتكون ناطر حدا ما بيعود يخلص الوقت

غريب الإنسان
غريب قديش مزاجيتو وأهواؤه بتتحكم بحياتو
غريبة الدني
كيف فيا تشتي وتشمّس عسقف واحد
أنا مثلاً صارلي فترة مش عم بقدر أقفر إحساسي
ولا عم بقدر أعرف شو بدّي
بس الأكيد أنو كل الإحتمالات عندي واردة

...

Saber Rebai - Ala nar

2009-08-15T23:08:00.001+03:00

Saber Rebai - Ala nar
Uploaded by ihyana. - See the latest featured music videos.

2009-07-09T07:34:00.008+03:00

Saint of "IMPOSSIBLE and LOST CAUSES"

Saint Rita, known as the patron/saint of "IMPOSSIBLE and LOST CAUSES."

I walked from my home to this Holly place, I Light a candle for you and I prayed (el Massbaha killa)

Someone told me that my name means the “Inner Peace” and girls who have that name must be able in any situation to find the inner peace, and be strong to overcome the difficulties..

If you believe, you can find your inner peace to face this awful situation..

I trust that this situation will pass and it won’t last forever, GOD will surly help you in his own way.

...

2009-06-12T12:57:00.002+03:00

"اشتقتللك"

تسلملى اشتقتلك بغيابك فى شو صار

سامحنى قلتلك انا عشت النار

انت وبعيد انا ببقى وحيد و عم عد دقايق بعدك عنى ليلى نهار

على نار عم يخلص قلبى بغيابك

على نار مشتاق لعطرك لتيابك

على نار ياحبيبى عليك من خيالك شو بغار

نورنى دفينى داويلى قلبى اللى داب

ريحنى نسينى لون العذاب

انت ومش هون بيضيع اللون

وبشوف الشمس عم تشرق متل غياب

على نار عم يخلص قلبى بغيابك

على نار مشتاق لعطرك لتيابك

على نار ياحبيبى عليك من خيالك شو بغار

...

ماتطوّل الغيبة

...

2009-05-14T14:28:00.006+03:00

أحلا أيار

...

....

كل سنة إلي موعد مع شهر أيار

والسنة كمان قررت إمشي على حريصا باول أيار

وأكيد النزلة على حريصا من اجمل المشاوير يلي بيقطعوا عليي بالسنة

السنة غير عن كل سنة قررت إنزل مشي وإرجع مشي

وبمشواري صورت وتخايلت لبنان اللي بحبو، ولقيتو بعدو موجود عطرقات البتودي عحريصا

حفافي العنب والتين

بواب العتيقة

دراج العمروها جدود جدودنا

زهّر الياسمين والفل والزنبق وبخور مريم

وهيدا بيتك يا ستي الختيارة بيذكرني ببيت ستي

عتق الباب وهالحيطان

جلال الزيتون

وغابات الصنوبر

وارز لبنان الما بيغيب عن كل المناطق

البيوت القديمة

تراثنا وتاريخنا

التقيت بطريقي ختيار عم يمشي متلنا بأول أيار

أرزنا العلي

حتى البيوت الجديدة لبست شكل وذكريات الماضي

صليت من كل قلبي بهالمشوار

وأنا وراجعة بيدق تلفوني

وبيوصلّي خبر صارلي زمان ناطرتو وما كان ممكن يوصل بنهار متل هالنهار

بس العدرا كانت عم تقلي: خلي إيمانك كبير

يمكن هيدا كان من أجمل االإيام اللي مرقوا عليي من فترة طويلة

........

2009-05-07T08:49:00.004+03:00

كوني إنتِ وانتخبي

.
رح إنشر تعليقي على مدونة عربية حول موضوع هالإعلان.. رأيي ذكرتو عالمدونة يلي بحترم صاحبتا كتير، عكل حال حبيت أعرض رايي عن هالموضوع هيك كان تعليقي:

.
بتعرفي إنو أنا شخص كتير موضوعي
كرمال هيك رح إسألك، شفتي الفيلم المرتبط بالدعاية يلي عم ينعرض عالتلفزيون؟
لما بدون يكسروا هالشعار البشع عن المرأة كان بينعمل أكتر من شغلة
أولاً بينقال :"كوني ذكية وصوّتي"
ثانياً: أكيد الفيلم يلي بتبين في هالبنت بتيابا الداخلية، ما كان لازم ينعمل.. كان لازم يصورو بنت عم تدرس بالجامعة، رايحة عشغلا.. عم تعيش حياة طبيعية وبعدين بتروح تنتخب
ثالثاً: ما بنقوا بنت لتعرض وجّا وجسما.
أنا لا مع 8 ولا مع 14 ، بس أنا حسيت أنو هيدا الإعلان هانني كبنت مثقفة وما بقبل صوت لمرشح عم يستعملني سلعة متلو متل حيلا شركة تجارية بدا تسوق مبيعاتا من خلال عرض جسم المرأة.
.
بدي ضيف على هالتعليق إن ويمكن إحتراماً للمرأة اللبنانية المثقفة ويلي مفروض يتوجه لإلا نفس الإعلان بكا المناطق دون تمييز بين مناطق شيعيّة ومسيحية كان لازم يكون هالشعار "كوني إنت وانتخبي"، النتخبي يلي بيحترمِك متل ما إنتِ يلي بيحتر لبنانيتِك، ثقافتك، تحررك، ارتباطك بالعيلة، احترامك للقيم اللبنانية،
كوني البنت يلي قادرة تشكل علامة فارقة بمجتمعنا وانتخبي يلي بيحترمك متل ما إنتِ، كوني الإم والإخت والحبيبة يلي بيفتخر كل نايب إنو تعطي صوتك..
هيدا هوي الإعلان يلي بحلم شوفو بلبنان
بس للأسف العقل اللبناني المريض بدو ياني انتخب ناس ما بيعرفوا إنو المرأة اللبنانية قادرة تحكم وتعبر عن رأيا وتثبت حالا عقد الرجل..
عكل حال أنا كفتاة مثقفة وشايفة حالا قد كل شي في سياسي بهالبلد وأكتر منون كمان.. ما بيشرّفني أعطي صوتي لولا واحد من هالقطيع الي مرشح.. لأن ولا واحد منون قنعني إنو مرشح للبنان مش للكرسي..

ولا واحد قنعني إنو مرشح للفقرا.. للشباب العم يهاجروا.. للبنان العم يحترق..

إذا أنا غلطاني حدا منكون يقنعني بالعكس..

2009-05-06T11:53:00.001+03:00

حلم..وبيت

من زمان من شي 6 سنين أو أكتر شوي وقفتني الحياة قدام استحقاق قوي وما كنت عارفي شو بدي أعمل أو كيف آخد قرار وخلال هالسنين قطعت بمراحل صعبة كانوا أشبه بمهمة مستحيلة
ما فيي إكتب التفاصيل بس رح جرب شبّه هالفترة اللي مرقت، ببيت من قش..
كأن كأن حدا بنالي بيت من قش وسكنني فيه وقالي:
"بدك تحمي هالبيت وما تخلي يوقع، جربي عقد ما بتقدري تحميه من كل شي وبعد فترة هالبيت بيصير قصر وبيكون ملكك لأنّك قدرتي تخليه لا يوقع من كتر ضعفو ولا يطير بوج الريح ولا يزحل مع كل شتوة.."
من وقتا وأنا مهدّاية القشّات برموش عيوني، تِلفوا إيديي وتعبوا عيوني.. يعني ولوّشت متل ما بيقولو..
يمكن هيدا القصر الموعودة فيه، ما يكون حلو عقد ما أنا متخايلتوا، ويمكن بيت القش بس يتحول لقصر اشتقلوا وبطّل قادرة استبدلو بالقصر، ويمكن يلي كلّفني بهالمهمة كان فكرو إنو بس إحمي بيت القش كل هالمدة يصير قصر بنظري وما يعود بدّي غيرو..
إيّام بحس إنو ما بقى بدي لا البيت ولا حتى القصر وخلي هالقشّات يرتاحوا وتاكلون العاصفة..
وإيام بقول ما بقى محرزي كل هالنطرة وكل هالتعب معقول استسلم هلّق.. بركي طلع هالقصر عمستوى أحلامي وطموحي..
يمكن هالمهمة اختارتني لأني بحمل وقادرة احمي هالبيت..
ويمكن لأني كنت عايزة البيت تيصير عندي حلم وتإقدر حققو..
بس أكيد لو كنت عارفي قديش صعب وقديش متعب وبدو وقت هالبيت يمكن ما كنت قبلت إحلم.

2009-04-27T14:06:00.003+03:00

إذا بدي اعمل تقييم نفسي لحالتي بهالوقت
بيطلع معي إني بمرحلة إنعدام الإحساس
بعرف شو يلي وصّلني لهالحالة
وبما أنو الحل مش بإيدي
صرت بهالوضع النفسي المتأزم
حاسي كان بدي إقبع راسي من محلّو وكبّو بالبحر
أو بركي بدي شيل دماغي وطعمي لسمك البحر
بدي حكّ جلدي حتى يطلع منو الدمي
والأسوأ من هيك إنو ما بدي إحكي بالمرة عن الموضوع يلي وصلّني لهالحالة
لأن أكيد رح إنفجر ورح تكون النتايج وخيمة.

2009-04-09T07:54:00.003+03:00

نعظّمك باستحقاق يا معطي الحياة

...

2009-03-25T08:21:00.003+02:00

The Prayer

"Andrea Bocelli-Celine Dion"

...

I pray you'll be our eyes

And watch us where we go
And help us to be wise

In times when we don't know
..

Let this be our prayer

When we lose our way
Lead us to the place..

Guide us with your grace..
To a place where we'll be safe
...

La luce che tu hai
I pray we'll find your light
Nel cuore resterà
And hold it in our hearts
A ricordarci che
When stars go out each night
Eterna stella sei
Nella mia preghiera
Let this be our prayer
Quanta fede c'è

..
When shadows fill our day
Lead us to a place..

Guide us with your grace..
Give us faith so we'll be safe
...
Sogniamo un mondo senza più violenza
Un mondo di giustizia e di speranza
Ognuno lo dia la mano al suo vicino
Simbolo di pace, di fraternità
La forza che ci dà
...
We ask that life be kind
È il desiderio che
And watch us from above
Ognuno trovi amor
We hope each soul will find
Intorno e dentro sé
Another soul to love

..
Let this be our prayer

Just like every child
Need to find a place

Guide us with your grace..
Give us faith so we'll be safe
...
È la fede che
Hai acceso in noi,
Sento che ci salverà

...

2009-01-16T12:32:00.003+02:00

إلى منصور.. إلى الأخوين رحباني

.
يوم اللي غاب منصور الرحباني جربت إكتب عن إنسان كنت إعتبرو فوق العادة.. أو يمكن جربت اكتبلو .. خاصة" إنو بعد رحيلو صار شقفة من حقيقة كان كل عمرو عم بيفتّش عنّا..
كيف بدي عبّر عن حزني فقدان إنسان كان مش متل كل الناس.. إنسان رسم صورة للبنان بقلبي وخلاه يكون وطن مغيّر عن كل الأوطان..
لبنان أخضر حلو.. لبنان بلد العيد..
أنا من الأشخاص يلي كتير تأثروا بأعمال الرحابنة.. وشافوا لبنان بكلماتون ولحنون وبصوت فيروز..
حبيت فيون عشقون للهجة اللبنانية يلي انحفرت بدمي وبكتاباتي.. وبصوري ومشاعري..
حبيت بمدرسة الرحابنة إنا كرّست كل وقتا لتبني حلم إسمو لبنان.. لهجتو فريدة من نوعا، إيمانو مميّز، وهويتو أكبر وأعظم وأهم من إن تشبه هويّة تانية..
بالوقت يلي العالم كلو بيفتّش عن العظمة والفخفخة.. إجو هني ليحكو ببساطة عن شجر اللوز، عن حجل صنين، عن حجار الحفافي، عن مفرق الوادي، عن ورق الخريف وكروم العنب.. حكيوا عن أرضنا عن هوانا عن ضيعنا عن تلاتنا الحلوة عن جبال التلج ونور القمر الي بيطلع، البواب العتيقة وصوت النهورا، عن الصفورة البدا تعشش بالقرميد، عن السوسنة، عن السماق ...

حكيو عن الناس بأسامي الناس، يوسف الكندرجي، صبحي بيّاع اللوز، أمين البواب، راجح، هيفا، وردة، بو ديب، نصري، زيون... وستي المن كحلون وبيت الختيارة الي بيشبه بيوت جدودنا
مفردات الأغاني كانت مليانة بمفردات الضيعة والجبل والوطن والحلم اللبناني... هيدا الوطن يلي بخاف أوعا شي يوم وإخسرو.. هالوطن يلي بخاف ما يعرفو ولادي ويبقى خبرية خبّرون ياها قبل ما يناموا..
صور ذكريات وحكايات.. حكيوا بمسرحياتون وأغانيون لتضل بقلوبنا وما تصير منسيّة.. لما عبدو كان بدو يكب حالو عن سطح البلدية كرمال وردة... ولما حنّة وقفت بين نصري وأبي صالح لتبوسون وتصالحون، ووقت البو ديب كمش التمساح والسبع القد الضبع وخبر هيفا عن الصيد وحكايات الصيد.. والإسوارة الي ناطرة إيد صبية حلوة تلبسا.. وغيرا وغيرا من السهرات والحكايات والقصص يلي نقلت طبيعة الحياة بالضيعة..
خبرنا عن مجتمعنا وضيعنا وخلافاتنا.. وصالحنا بمسرحياتو بكلمة ببسمة بدمعة ولفتة زغيرة
حكي عن سخافات حكامنا ومفهومون الغلط للسلطة السياسية وللحكم، حكي عن الحاكم الصالح الي لازم يسهر على رعيتو، حكي عن بترا يلي ضحت ببنتا ليبقى الوطن..
بعدني بذكر لما سمعت انا وزغيرة غنيّة.. "إمي نامت عبكير وسكّر بيي البوابة وانا هربت من الشباك وجيت لعيد العزّابي"، كنت فكّر إنو عيد العزّابي بيضل ناطرني تإكبر وإهرب من الشباك، لدرجة كنت إتصور البرداية عم تلوح بغيابي..
كيف مننسى اللي كتب وطني "يا بلد الغيم الأزرق، يا تراب البيحبونا، يا بيوت الي سبقونا.. بشجر أراضيك سواعد أهلي تكسّروا وحجار حفافيك جدود جدودي لعمروك.. وطني عم إكبر وتكبر بقلبي".. يللي قال خدني عالأرض يلي ربتنا.. انساني على حفافي العنب والتين.. إركع تحت أحلا سما وصلي

هالإنسان يلي كبّر الوطن بقلوبنا تصار الوطن عوسع المدى والفكر والحلم.. ما بقدر شوف لبنان متل ما أنا بحبو بدون الرحابني.. راحو وطبعو مجتمع بكاملو بحلم، بهدية للأجيال الجايي..
الرحابني خلوا لبنان مرجع للفن اللبناني المتميّز بين مدارس كانت عم تطغى بقوة على المجتمع العربي.. خلقوا هويّة للفن بتشبه وطنا وعاداتنا وتقاليدنا
ما رح إقدر إحكي عن يلي كتب صيف 840 ، هالة والملك، فخر الدين، ميس الريم، جبال الصوان، لولو، ناطورة المفاتيح.. وغيرون.. عن يلي صرخ: لا تخافو ما في حبوس تساع كل الناس‏‏.. كيف بدي عبر عن يلي خلق من الحلم وطن..
إذا نحن ما حكينا تراب الوطن بيحكي، جبالنا بتبكي، وهوا بيروت بيبقى يخبر عن يلي راح وكتب تاريخ جديد لوطن ما بينمحى..

2009-01-12T07:49:00.002+02:00

...

ما تذكر

...

2008-12-18T12:05:00.006+02:00

نعمة الانتماء إلى "الوطن"

....
مرّ عام آخر على وطن يختصر مجمل القضايا والنزاعات العربية..
مرّ عام غريب بعواصفه المفاجئة وتقلبات "زعماء السياسية اللبنانية"..
مرّ عام حسبنا نهايته ستكون مخرجاً لكل آمالنا وأحلامنا..
مرّ العام شهيداً مع مجموع شهداء الوطن وظلّ أبناؤه مشروع شهداء عام آخر...
أذكر أنني منذ عام وقبل حلول العام الجديد، كفرت بالهجرة وبكل من ينادي بترك الوطن بحثاً عن أمنٍ مصطنع خلف جواز سفر لا يشبه ذاكرتنا،
كان الوطن عندها حاضر في ابتساماتي واشواقي.. حاضراً في كل نقطة حبر تملأ صفحات ذاكرة يومياتي، أذكر أنني تماديت في ذكر الأسباب والمناسبات التي تمنعني من الرحيل،
أذكر اشتهائي لوطن لم نملكه بعد، وطن يتفنن أعداؤه في قتل أبنائه وفي نشر الأحياء منهم حتى أقاصي الأرض..
"لن أغادر هذا اللبنان" كان صوتي الصارخ في زمن الاستشهادات.. وكلي أمل أن تهدأ الكف التي تغتال، فيصحو ضمير القاتل ويرفع حسده وحقده عن هذا اللبنان.. يومها لم أدرك أن القاتل لا دين له ولا ضمير يحاسبه.. وأن القتل قد يباغتنا بلون غير الأحمر الذي عهدناه.. لم أدرك أن القاتل أعد غنيمة استشهاد أكبر من غنيمة الأجساد.. لم أدرك أن يده ستمتد لتطال الفكر والقلب والنفس لتحولنا معه إلى أشباه مواطنين نبحث عن كل شي ونشتهي كل شيء إلا الوطن، نتركه وحيداً يواجه يتمنا باكياً راجياً عودتنا إلى كنفه..
مرّ عامٌ فيه من الهدوء ما يسبق العاصفة.. كئيباً بثقل صمته وعدم وضوح صوره وأهدافه... كئيباً بانقسامه وتشرزمه مليئاً بعاهاته السياسية والطائفية...
عام لم يكن كما حلمته قبل عام.. عام شرّع أبواب الوطن بوجه كل شرور الأرض..
لكأن الوطن أصبح غنيمة لكل راغب أجنبي وعربي.. ولكأننا نقبّل وجه قاتلنا ونستقبل من يشتهي كل ثرواتنا..
لكأن أبناء الوطن تعروا من التاريخ وكأن ذاكرتهم باتت عمياء صماء، لم تشتهي الاستقلال يوماً ولم تستشهد في سبيله..
وتأتي أعياد الوطن مجتمعة، كأن الأديان تضافرت لتجمع تحت ظلها أبناء الوطن الواحد.. هذا الدين الذي يكبلنا من المهد الى اللحد يأتي هذا العام ليجمع أبناء يرمون على عاتقه إثم انقساماتهم وقبحهم وانكساراتهم، إثم طمعهم وخيانتهم.. دين وفق بين رأس السنة الميلاية والسنة الهجرية معاً.. دين نضطهده ونستغله لنستغني عن هويتنا.. دين نضع على عاتقه تهمة يتمنا لا بل نرمي عليه إثم كلّنا لنبقى نحن ويستشهد الوطن..
أن تنتمي إلى دين يعني أن تكون إنساناً.. أن تحب قريبك من كل قلبك وكل نفسك وكل عقلك.. ومن هو قريبك؟ هو كل من ينتمي إلى الوطن.. ان تنتمي إلى دين يعني أن تعطي الأولوية لهويتك الوطنية التي تحتضن مجموع الأديان السماوية.. وطن عار علينا أن ننتمي لسواه.. وطن يختصر الحضارات والأديان مجتمعةً.. وطن من حقه علينا مسلمين ومسيحيين أن نحمل هويته.. أن نحمل هذا اللبنان تاج غار على جباهنا وننتمي إليه دون سواه..
....

....

2008-12-18T11:48:00.002+02:00

Merry Christmas

Every good Gift and every Perfect Gift is from above,

coming down from the Father of Lights,

with whom can be no variation, nor turning shadow. (James:1/17 )

2008-12-16T13:19:00.004+02:00

Christmas at Home

.....

.......

2008-12-01T08:17:00.001+02:00

موقف لحظة

2008-10-27T09:38:00.002+02:00

كهربا وأدب

.
من مساوئ قلة الحصارة عنا بلبنان (حتى ما قول إنعدام الحضارة)، هوي الفرق الشاسع بين المناطق بتوزيع مصادر المي والطاقات وغيرا من الأمور يلي صارت حيوية بعالمنا الحاضر..
تخيلوا صرلنا شهر عم نختبر أن وأهلي كيف كان يعيش الإنسان بدون كهربا.. وأكيد لعدة أسباب:

.
- إنو الكهربا بتنقطع عنا بإستمرار وبيكون نصيبنا ليلة مع كهربا وليلة بدون كهربا.
- صاحب الموتور عنا بالضيعة، اعتزل الفن.. قصدي قرر يوقف توزيع الضو علينا لأن هالمصلحة ما بقا عم توفي معو.. وبما إنو ما بلغ حدا بقرارو، فكرنا إنو في عطل بالموتور متل ما بيصير عطل بشركة الكهربا ونطرنا، لما سألو بيي عن سبب هالإنقطاع المفاجئ، خبرو بإعتزالوا للمهنة.
- السبب الأخير إنو المجلس البلدي عنا أبعد ما يكون عن الحضارة، يعني أنا بعرف مناطق بلبنان فيا مجالس بلدية محترمة، أمنوا موتورات للمنطقة بكلفة كتير بسيطة، بالوقت يلي نحن كنا عم ندفع 100.000 ل.ل. بالشهر ليضويلنا صاحبنا 15 ليلة من أصل 30 وبس بالليل (عأساس نحن من الضيع المحظوظة يلي بتجي الكهربا فيون نص دوام)..
.

وقدام هالخبرية الفاجعة لأهلي قرر بيي يشتري موتور وما بقى يربح جميلة الدولة وصاحب الموتور، عملاً بالمتل الشهير "هين مالك ولا تهين حالك"..

وهيك نحن "غارقون في عتمة حتى تنقشع ظلمة الليل" أكيد ببركة مصريات بيي يلي عم بيفتّش على موتور رخيص وإبن حلال "يقينا شرّ العتمة"..

.
المهضوم بالخبرية نتايجا: يعني بيقولوا "ربّ ضارة نافعة" و "لا تكرهوا شيئاً لعله خيراً" و "مصائبُ قومٍ عند قومٍ فوائد".
هو كلون الأمتال تراكموا وعملوا عليي مؤامرة هني وقطعت الكهربا.. وكان بنتيجتا إني كل ليلة عم إقرا ساعتين ونصّ عضو "الشمعة الحديثة" يعني شي بيشبه الشمعة بس هو بالواقع ضو بيعبي كهربا بالنهار وبيصرفون بالليل..

..
المهم إنو بعد القراية كتبتب شي جميل جداً.. لسؤ الحظ إني ما رح إقدر إنشرو عالبلوغ لأنو "أجمل من أن ينشر".. بس بوعدكون إكتوب شي حلو للبلوغ خلال أسبوع... بعرف إني طولت الغيبة.. فهنيئاً لمن له مرقد عنزة في جبل لبنان لأنو أكيد الأدب بيبلّش لما بتنقطع الكهربا!!!! طبعاً إذا كان الشخص أعزب أولاً ومثقف ثانياً ساعتا قطعت الكهربا بدل ما تزيد النسل بتزيد الفكر...

2008-09-22T09:51:00.002+03:00

Six Ans Déjà !

2008-09-03T11:02:00.001+03:00

ريحة التراب.. صبحيّة ميّ

.
كل الأسبوع اللي مضى كان الطقس خريفي.. الغطيطة قوية كتير ومتل ما بيقولوا أهل الجبال "الغطيطة للأرض" يعني في شتي بالأجواء..
مبارح عشيي شتت الدني بقوة.. متل إيام الشتويّة.. كان الطقس مش طبيعي، لأن مش إيّاما تشتي.. وعيت اليوم الصبح عريحة التراب بعد أول شتوة.. صرت قول بقلبي يا ريت بقدر ما إنزل عالشغل....
ريحة التراب وعّت فيي كتير إشيا.. ذكّرتني بأول إيام المدرسة.. كان يبقى خريف والجو بيشبه هالجو ونبقى واعيين ورايحيين غصباً عنا.. تبقى الدني مغطغطة وعتم ونتمنى ما نقوم من التخت.. تقرب إمي تبوّسنا وتغنجنا تنرضى نقوم من التخت.. تلبسنا تياب لونون كحلي وأبيض.. ما كان بعد دارج اللباس الموحد بالمدارس.. وبذكر في سنة أنا وصغيرة كان في حرب بالبلد تعلمنا سنتا بمدرسة قريبة من بيتنا، وكانت إمي تاخدنا مشي وتردنا مشي إلا لما بتتلوج كنا نروح بالسيارة مع بي أو عمي..
مش معقول شو وعّا فيي ذكريات هالنهار.. الصور الي قطعت براسي بتشبه الصور من زمان خاصةً إنو معالم الحي عنا ما تغيّرت.. الأرض ميّ.. والرواق متلاّ الكاينة، كأن الدني أخذت هدنة وقررت توقف للحظة... ووقف الوقت معا، صرلي زمان ما مشيت تحت الشتي، كنا نخاف نمشي تحت الشتي، بتذكّر شو كنا نحمل شمسيات ملوّنة، بس كبرت وصرت بالجامعة ما عدت إحمُل شمسيّة، كأني عم عوض عن كل الإيام الي تخبيت فيا من نقط المي..
يا ريت بقدر إنقلكون صور طفولتي.. صحيح إنو كلا مرتبطة بالضيعة وبالحقالي وبالإشيا البسيطة.. وصحيح إنو ما كنت أعرف شو قيمة الإشيا العم عيشا.. بس أكيد إنو هالإشيا كانت بحياتي لسبب معين .. وأكيد إنو أنا ما كنت رح كون هيك لو ما ربيت بهالطريقة ولو ما عشت هالتجارب كلا..
هلق عم تبخبخ الدني عالخفيف.. شو حلو هالأحساس.. نقط المي النظيفة عم تنزل من عند الرب دغري عوجّي بدون ما يوقف بطريقا شي.. قديش حلو الإحساس بالمي بينظف بيعطي حياة وبيغيير وبينعش كل النهار.. كأن الشتي بينزل لينظف الدني من الهموم من الكذب من الوساخة من الطمع من الحرب.. صر لي زمان ما تركت الشتي يغسلني من همومي البلا طعمة من أنانيتي من عصبيتي من زعلي وتعبي وعتبي عكل الي نسيوني.. أكيد بعد هيك صبحية مع نقط المي نهاري رح يكون كتير أحلا..
نهار بيجنن، ومع إنو الكل عم يقولوا الطقس مش حلو أنا شايفتو نهار خوات وكتير حلو، يمكن مش حلو ليلّي بيخافوا من الشتي .. بس أنا بنت الشتي والتلج بحب كتير تشتي الدني عليي مي ونِعَم وراحة بال..
إجت عبالي غنيّة فيروز "شتي يا دني تيزيد موسمنا ويحلا.. تدفق مي وزرع جديد بحقلتنا يعلا.."

.
صار لازم أطلع بالسيارة وإمشي عشغلي.. رح خلي شبّاكي مفتوح تضل حس بنقط المي.. أولكون بتتّش السيارة عالميّ وبتبطّل تمشي.. يا ريت، هيك بدل ما إنزل عالشغل بفتش عن ورشة تصليح وما بلاقيا.. وبالآخر ببعتلون عالشغل غنية فيروز "هالسيارة مش عم تمشي بدا حدا يدفشها دفشة بيحكوا عن ورشة تصليح وما عرفنا وينيي الورشة" مع صورة لإلي أنا والسيارة تنيناتنا تاشّين تحت الشتي.

2008-08-19T07:31:00.003+03:00

قبل رحيل الشاعر "محمود درويش"

بحوالي أسبوعين كنت عم إقرالو هالقصيدة

تنسى كأنك لم تكن
تنسى كمصرع طائر
ككنيسة مهجورة تنسى
كحب عابر وكوردة
في الليل تنسى...
أنا للطريق
هناك من سبقت خطاه خطاي
من أملى رؤاه على رؤاي
هناك من غسل الكلام

على كيفيته ليدخل في الحكاية
أو يضيء لمن سيأتي بعده
أثرا ًغنائياً فحسب
تنسى كأنك لم تكن
شخصاً ولا نصاً
وتنسى........

.
امشي على هدي البصيرة
ربما أعطي الحكاية
سيرة شخصية...فالمفردات
تسوسني و أسوسها...
أنا شكلها وهي التجلي الحر
لكن فيك ما سأقول.....
يسبقني غدٌ ماض ٍ....
أنا ملك الصدى
لا عرش لي إلا الهواء
والطريق و الطريقة
ربما نسي الكواكب
نطق شيء ما
أحرك فيه ذاكرة وحساً
تنسى كأنك لم تكن
خبراً ولا أثراً..وتنسى

.
أنا للطريق...
هناك من تمشي خطاه
على خطاي
ومن سيتبعني إلى رؤاي
من سيقول شعراً في
مديح حدائق المنفى
أمام البيت
حرٌ من عبادة أمس
حرٌ من كناياتي ومن
لغتي....
وأشهد أنني حي وحر
حين أقول

تنسى...

2008-07-28T10:52:00.004+03:00

"From Within To Without!"

?Have You Every Been In Such Situation?

Bloggers: I'm expecting some answers with breif description of the situation..

2008-07-15T07:39:00.003+03:00

صفحة بيضا

من لما فتحت عيوني اليوم

قررت إكتب صفحة جديدة بحياتي

ما عرفت بشو بدي بلّش

ما طلع معي غير صفحة بيضا

حدا عندو فكرا كيف معقول لوّن هالصفحة؟

page 1/1000000

2008-07-02T07:55:00.002+03:00

منكبر وبتكبر معنا الكذبة

.
كل ما كبرنا.. كل ما شفنا الاشيا صغيرة.. وكل ما كبرنا بتكبر براسنا الأسئلة والأحكام المسبقة، وبتصير الدني غير الدني لي ربينا عليا وعرفناها.. وبتصير الكذبة هي الحقيقة ... والحقيقة مخباية بصور قديمة بمطرح ما بيشوف الضو

نحن وصغار ما كنا نتعب من المشي.. كنت إحلم إمشي عطريق ما بتخلص.. هلق صارت كل الطرقات بتخلص محل بيتعبوا إجرينا وبتقل جلادتنا عالمشي..
كان الكزدورة أحلى هدية بحيلا وقت.. صارت الهدية إلا طعم ولون وشكل ومنقيّا عالقياس وإذا ما عجبتنا منبدلا..

كانت حواسنا تتحرك عالروايح الطيبة ريحة الزعتر والنعنع والحبق والزيتون وطبخ إمي وحلويات إمي..
كانت عيوني تفتح عصوت إمي بكير وريحة القهوة وعروسة الزعتر.. إلبس عمهلي وتغنجني إمي قبل ما توصلني عالمدرسة... صرنا نوعا عصوت المنبّه ونركض ركض لما نتأخر ونعلق بعجقة السير..

كنت ضيع بعجقة الروايح الطبيعية الحشيش والتراب المندّى.. روايح اللافند والغاردينيا اللي بيزهر بهالفترة.. رزقالله عهاك الإيام .. نبقى نعمل عقد غاردينيا نعلقوا عرقبتنا..
هلق صارت حواسنا بتتحرك عالعطورات المش طبيعيّة.. وصارت رقبتنا ما بيلبقلا غير الذهب والإلماس...

كنّا ننطر هالشهر، شهر حزيران لنشوف الشجر ملوّنة.. هلّق ما بقى تعنيلنا هالمناظر لا منظر التفاح الموشح المعلّق عالغصون ولا الكرز المحمر اللي ناطر إيدين تقطفو ولا حتى التوت الأسود اللي كل عمري أنطر حتى إجوي تيابي بسوادو.. ولا مزهرية إمي اللي كل يوم بتلبس لون... كنا نتسابق تنقطف ورق عنب لإمي وأحلى كزدورة كانت وقت نروح نسلّق "مخو بعبو"..
كنت أنطر الجبال تعيطلي تإمشي بقلب الضيعة، انطر الأخضر اللي سابح بكل الميلات، لإتنشق هوا نقي وإشرب عطريقي من ميّات ضيعتنا...

صارت المطارح ضيقة ما بقى عم تساعني.. تغيرت البواب والطرقات والشبابيك.. حتر ركوة القهوة تغيرت..
ما بقى عم إتحمل عجقة المشاهد، ولا عجقة الروايح الإصطناعية..
متل كأني "تلفت"* من كل شي.... من إني كون كبيرة..
كأني كبرت وتعلمت مَثِّل متل الكبار..
كأن الإيام الجايي عليي صارت بلا طعم وبلا لون وبلا ريحة..
كأني تعلمت إنسى حالي القديمة وإلبس تياب ما بتشبه تيابي وشوف صور ما بتشبه ذاكرتي وإحكي عن إشيا ما بتشبهني...
صارت الهموم أهم من الضحكة... والمصاري قبل راحة البال
كبرنا أكيد كبرنا وصار العمر الماضي كذبة والجاييي ما بيشبه الي راح
كبرنا وعم نفتش عملامح عإشارات من الماضي.. عإشيا ترجعنا زغار ترجعلنا زكرياتنا وضحكاتنا وبالنا المرتاح..
منهرب من همومنا عدني كانت بوقت من الأوقات عالمنا ومستقبلنا وهلق صارت غريبة.. وصار الحاضر ما إلو معنا

عم نكبر.. وكل ما نكبر كل ما ننسى حلاوة هاك الإيام.. وبيصير أصعب نرجع متل ما كنا.. وبيصير الحاضر يرسم المستقبل..
سمعت اليوم غنية "جوزيف ناصيف" (الله يرحمو): يا زمان الماضي عود ورجعني عمدرستي
رجعتلي ذكريات حلوة كتير.. خلتني إرجع بالوقت وبالدني لإيام ما كنت أعرف فيا غير إضحك وإلعب
وخلتني أعرف إنو أسوأ إحساس تواجهتو هو إني ما بقدر رجع الماضي ولا الحاضر بيقدر يشبه اللي مضى..

___________________________________________________________

*تعبت بالعامية

2008-06-16T12:10:00.000+03:00

Vie
Texte de Charles Chaplin

J'ai pardonné des erreurs presque impardonnables,
j'ai essayé de remplacer des personnes irremplaçables et oublié des personnes inoubliables.

J'ai agi par impulsion, j'ai été déçu par des gens que j'en croyais incapables, mais j'ai déçu des gens aussi.
J'ai tenu quelqu'un dans mes bras pour protéger
J'ai rit quand il ne fallait pas

Je me suis fait des amis éternels
J'ai aimé et l'ait été en retour,
mais j'ai aussi été repoussé

J'ai été aimé et je n'ai pas su aimer

J'ai crié et sauté de tant de joie,
j'ai vécu d'amour
et fait des promesses éternelles,
mais je me suis brisé le coeur,
tant de fois !

J'ai pleuré en écoutant de la musique ou en regardant des photos

J'ai téléphoné juste pour entendre une voix,
je suis déjà tombé amoureux d'un sourire

J'ai déjà cru mourir par tant de nostalgie et...
J'ai eu peur de perdre quelqu'un de très spécial (que j'ai fini par perdre)...
Mais j'ai survécu !

Et je vis encore !
Je ne passes pas par la vie...
Et toi non plus tu ne devrais pas en passer. Vis !!!

Ce qui est vraiment bon,
c'est de se battre avec persuasion, embrasser la vie et vivre avec passion,
perdre avec classe et vaincre en osant, parce que le monde appartient à celui qui ose
et LA VIE C'EST BEAUCOUP pour être insignifiante !

2008-06-10T07:57:00.001+03:00

She can’t be your QUEEN
.
Someday I was wondering
If I could be a Man
I saw the gorgeous dancing
I couldn’t catch my Fan
I took a deep breath
A brave heart of mine
Straight to her with faith
My eyes into her shine
Asking her name is "....."
But she looks rude like STALINE
And my poor heart blames me
Don’t ask for her she can’t be your QUEEN

J.C., Leb.Univ., 17/02/1998
>

2008-05-26T07:38:00.001+03:00

"تصبحوا على وطن"

.
يا جماعة.. حدا حاسس متلي ولا أنا عم طهوج
عندي خوف يكون يلي عم نعيشو هاليومين حلم
معقول يكون اللي صار مسرحية؟
والا عنجد وعينا اليوم على وطن.. كان انسرق منا
اللبنانيي كلون مش مصدقين.. محمسين كتير ورجعوا يحسوا بالحياة بوطنون
معقول يكون هيدا هدوء ما قبل العاصفة يلي رح تجي قوية هالمرة وتكفي عاللي بقيوا
انشالله هالأمل يكون بمحلوا.. ومع إني حلمت حلم كتير بشع مبارح بالليل، بس رح إتفاءل بيلي جايي.. ورح صدق إنو كل واحد عم يتنفس عهالوطن.. قادر يكون لبناني ومش حيلا لبناني..

لفتلي نظري إعلان على الـ LBC بيقول:
لبنان وطن ما إلو تاني
هيدا قدرك لأنك لبناني
ومش هيني يكون الواحد لبناني
بزيد عليون:
بدنا نتعب لنستحق هالوطن.. ونيال يلي بيعرف يكون لبناني

2008-05-23T09:06:00.002+03:00

مبروك للبنان

.......
ما بعرف إذا يلي صار حلّ دايم
وما بعرف إذا لبنان رجع يكون جنّة
بدنا يكون اللي جايي أحلا من يلي راح
وهالرئيس الجديد أعظم من يلي فلوا
انشالله ما نترحم عاللي مرقوا قبلوا
ونضل نتذكر الشهداء يلي ماتوا

...............................

2008-04-29T09:49:00.003+03:00

ولاد من غير جيل

.
بالفرصة الي قطعت طلعوا لعنا إخواتي وولادون لنقضي العطلة سوا.. عطيطون دفتر وقلام ليكتبوا.. بعد شوي تبخر الدفتر (بين خرطشة وتخزيق) وأكيد زهقوا..
وبما إني ما كنت مستعدة ضحي بشجرة إضافية على البلا طعمة.. قررنا أنا وإخواتي نعلّمون الألعاب الي كنا نلعبا نحن وصغار ..
ما بتتخايلو قديش تفاجؤا بالألعاب وقديش نبسطوا.. فرحتون ما بتنوصف وقطع نهارون بلا ما يحسوا..
نحن وقاعدين عالسطيحة قدام البيت.. تذكرت أحلا إيام قضيتا بهالحي..
تذكرت اول إيام الصيفية.. كنا نبقى ناطرين المدرسة تتخلص حتى نسهر لآخر الليل.. نركض.. نلعب لقيطة، غميضة، غلّي، كرشك عالي ياخالي، صبحكون بالخير يا عمار العمارين، طاق طاق طاقيّة، وألعاب بالحبلي لا تعد ولا تحص.. نخرطش بالطبشور عالسطيحة قدام البيت .. ما بحياتا إمي صرخت علينا لأن عم نجويلا الأرض متل ما بيعملوا إمات هالجيل..
كنا ننطر آخر النهار لنشطف مع إمي "الدارة" نلعب بالمي ونطرش بعضنا.. كانت الدني كلا خضرا.. ما كان في بواب ولا ممنوع..

بتذكر لما كانت ستي (الله يرحما) تطل ومعا سكين وسلّة تقلّنا اليوم لازم نحوش "سليق" "وجراس".. كنا ننزل حد النهر نحوش: حمّيضة، مخو بعبو... وأكيد زهرة طويلة راسا مليان جراس، وخنشار أخضر وتوليب وكوكليكو، ناخدون لأمي تتزين فيون المزهريّة..

ما بعرف جيل اليوم بشو بيلعب وعلى أي أساس بيجمع ذكرياتو؟؟؟
حتى الأغاني كانت غير شكل: طيري طيري يا عصفورة، حمارنا حمارنا راسو بيوجعو، كلون عندون سيارات وجدي عندو حمار، عندي بيسي إسما سيسي، كان عنا شجرة قدام البيت، طلع الضو عالواوي، عمّي بو مسعود.. كانت أغاني بتشبهنا، بتشبه حياتنا..
ما كان في شي إسمو computer ، ولا كنا نقعد 10 ساعات نحضر تلفزيون، ما كنا نخزق وراق ونخرطش على دفتر بكاملو بذات التكة.. كانوا الوراق والاقلام للمدرسة وما فينا نشتري منون ساعة اللي بدنا..
كنا نصدق إنو في غول أبو كيس، وإنو العصفورة بتخبر إمي إذا كذبنا أو تشيطنا، كنا نحلم بالكزدورة اللي بياخدنا فيا بيي عالحرش وناخود معنا أكل وشرب لكل النهار..

آخ عهالإيّام.. كيف راحت الإيام الحلوة.. كنا نلعب كل النهار وننام كل الليل..
كانت توعينا إمي الصبح عالترويقة: فنجان زوفا وعروس لبنة وزعتر .. والخبز "مرقوق".. وكل عمرو الغدا كان بيض مقلي مخفوق بزعتر وتوم أخضر، مسقعة بذنجان، شيش برك.. ما كنا نعرف الهمبرغر والبيتزا..

كنا ننطر بعضنا تنوعى الصبح.. وبس يحضروا كل ولاد الحي تنرسم خطة اللعب ليوم جديد.. كنا نخترع إشيا ما بتخطر عالبال..
بتعرفوا إنو كنا نمثل مسرحيات ونألف أغاني.. بعدني بتذكر غنية ألّفا عني خيي الكبير... كل ما بتجي عبالي بتضحّك من قلبي وبشوف حالي أن وزغيرة شعراتي قصار وعيوني عم يضوا من السعادة.. اكيد ما رح قلكون شو الغنية!!!

ليش جيل هالإيام أوعا وأنضج وألعابو ما بتشبه ألعابنا؟
ليش عصرنا كان عصر البساطة والطيبة.. وعصرون عصر السرعة والحقد والحسد.. كنا نتشارك بكل شي باللعب والأكل، ما كنا نخاف نجوع.. ليش جيل الشوكولا بدو كل شي لإلو ومفكر إنو كل الدني بتدور حولو..
ليش هالجيل بيبكي وبينق كتير.. كنا نبكي بس نجلِّف ركابنا من الركض وبس يجي ترم النوم.. وما كانت إمي تعتل هم يتشوهوا ركابي عكبر.. كنا نعيش تنبسط.. ما كنا نبكي لأنا عايشين.. ما كان عنا مخزن ألعاب.. كنا نلعب سوى وكنا نلعب أكتر ونحب بعضنا أكتر..

كانت الشمس تشرق عالكل وتغيب ليطل القمر عالكل.. خيرات بلادنا كانت عوسع المدى..
حدا يخبرني كيف معقول ولادي يعيشوا اللي أنا عشتو بلا ما يكونو معزولين عن مجتمعون وبلا ما يكونو خوت ومجانين متلي..
حدا يخبرني كيف بقدر رجّع ايامي وحياتي الحلوة.. كيف معقول شبّع هالحنين اللي بقلبي للماضي لذكرياتي الطيبة.. بعدني لهلق كل ما بسمع غنية من أغاني زمان بتأثر.. بعدني ببكي بيني وبين حالي أنا وسهراني برا تحت السما وصوت الضفادع متلاّ الدني..

اشتقت.. اشتقت عيش نهار واحد بيشبه الإيام الي قطعوا.. اشتقت لليلة وحدة من ليالي زمان.. بتبقى كلمة اشتقت مليانة ذكرى وإيام طيبة.. الله يخليلنا الجيل القديم لأن الجيل الجديد ما رح يكون عندو ذكريات حلوة ليمرقا لولادو إلا إذا نحن علمنا تاريخنا..

2008-04-11T15:26:00.004+03:00

السواقة بلبنان

.
بتتذكرو السواقة بلبنان..

بتعرفو كل فترة بيصير معي خبرية مهضومة بالسواقة أو من الطرقات.. أو من الناس العم بيسوقو..

.
خاصةً إني بقضي وقت كبير من النهار عم سوق بالروحة على شغلي شي ساعة، وبالرجعة عالبيت ساعة ونص بدون تحزيك ووقفات وShopping

.
آخر خبرية مهضومةهي هالسيارة اللي التقيت فيا هيداك النهار انا وراجعة من شغلي عالبيت..
كتير مهضومة هالمدام يلي سايقة بتخايل إنو عمرا شي 50 سنة

المهضوم إنا تعلّمت السواقة بهالعمر.. والأهضم إعترافا إنا مابتعرف تسوق كتير..

.
مش كأنا لبنانيةبالمرة.. قوقولي أيا لبناني بيعترف وبيقول: "انتبه تعلّمت السواقة جديد"؟

شوفو الصورة لحالا بتحكي..

بعتذر ما قدرت صور المدام وإلا كنت خبطت فيا وطلعت أنا بالآخر ما بعرف سوق..

2008-04-05T11:44:00.002+03:00

مختارات من "ذاكرة الجسد"

العرق دموع الجسد...
ونحن في ممارسة الحب كما في ممارسة الرسم
لا نبكي جسدنا من أجل أية امرأة
ولا من أجل أية لوحة
الجسد يختار لمن يعرق
...........
على جسدي مرري شفتيكِ
فما مرروا غير تلك السيوف عليي
أشعليني أيا امرأة من لهب
يقربنا الحب يوماً
يباعدنا الموت يوماً
ويحكمنا حفنة من تراب..
تقربنا شهوة للجسد
ثم يوماً
يباعدنا الجرح لما يصير بحجم جسد
توحدت فيك
ايا امراة من تراب ومرمر
سقيتك ثم بكيت وقلت
أميرة عشقي.. أميرة موتي تعالي!
........
لم يبقى من العمر الكثير
أيتها الواقفة على مفترق الأضداد
أدري..
ستكونين خطيئتي الأخيرة
أسألُكِ..
حتى متى سأبقى خطيئتُكِ الأولى
لكِ متسع لأكثر من بداية
وقصيرة كل النهايات
إني أنتهي فيك
فمن يعطي للعمر عمراً يصلح للأكثر من نهاية
........
لا تملك الأشجار إلا أن تمارس الحب واقفة أيضاً
يا نخلة عشقي.. قفي
وحدي حملت حداد الغايات التي أحرقوها
ليرغموا الشجر على الركوع
"واقفة تموت الأشجار"
تعالي للوقوف معي
أريد ان أشيّع فيكِ رجولتي إلى مثواها الأخير..
.........

"أحلام مستغانمي"

2008-03-25T12:32:00.005+02:00

القطار

لطالما أحببت نزهات القطار..
تحملني إلى ما وراء الموجود..
أتشاركها مع أحلام سواي..
قطار واحد يجمع أنفاس غريبة من خلف زجاج نافذة ..
قطار واحد يشكل مزيج آمال وأمنيات وأحلام غريبة..
قطار الهروب من الزمان والمكان إلى المجهول..
قطار يكسر رتابتي اليومية..
قطار اللاعودة إلى المعهود..

أجالس حقيبتي من خلف ستارٍ زجاجي يعكس الخارج مغلفاً بدفء الداخل..
زجاج يعول حواسي عن كل ما يجري..
لا يعنيني بكاء طفل ولا تذمر فتاة ولا تساؤلات عجوز..
تعانق وجنتي الزجاج البارد علّ صقيع الخارج يتسلل إلى أروقتي المظلمة..
أفك الارتباط بيني وبين المكان فلا يعود يربطني بهذا القطار سوى مقعدي والنافذة
أحلِّق في القطار فوق ضجيج المسافرين..وتمرّ بي الطريق

تمرّ الطريق كما تمرّ الفصول على ذاكرتي..
تعتريني مشاعر جديدة لم يلبسها سواي..
أفكارٌ غريبة، صور، أضواء، أحلام..
مشاهد تشبه مزاجي وتفاصيلي وأطباعي..
كلّها على قارعة الطريق..

تمرّ بي الطريق على زرقة مظلمة..
يترائ لي البحر من البعيد..
في البحر أجدني على متن زورقٍ عشبي...
أعشق جنون البحر.. كأنه ذاكرتي وكأنني أمواجه..
يشبهني البحر..
يشبه صفحاتي وتاريخي ورغباتي..
أمواجه تعكس نومي المتقطع..
تعيد إلى ذاكرتي لياليّ الساهرة وقلقي الليلي اللامتناهي..
يشبه أحلامي النهارية المتكسرة بخيبات أملي الدائمة..
يشبه ثورتي وصخبي وعنفواني..
يشبه ضعفي وبكائي وجنوني..
يشبهني.. كأنني البحر.. كأنه ينادي من ظلمة القطار.. أسرعي قبل أن تسبقني سكة القطار..

يأبى ضجيج القطار استرسالي.. يغار من أحلامي وزورقي..
يعيدني إلى دخانه العابق بضجيج المسافرين ووجهاتهم.. إلى رحالتي الغامضة..
يخرجني من هدأة البحر ليعيدني إلى صخب السكة الحديدية..
إلى مساحات فكرية جديدة يخرجني..
إلى نزهة جديدة وأحلام جديدة..

تمرّ الطريق..
على أشجارٌ عارية.. ترتاح من ثقل اوراقها..
غادرها ثوبها ولن يعود قبل مجئ البراعم..
أشجار عارية.. غير عابئة بحشرية المارة وانجذابهم نحو عريها..
أنشبه الأشجار حين نتعرى؟
أنملك عزة النفس حين نتجرد عن الجسد ونلبس أفكارنا ومشاعرنا ونوايانا..
أنحتفظ بكبريائنا وشموخنا حين نرتفع عن عالم الماديّات..
أنظل واقفين حين تعرينا الاتهامات والأخطاء وتقمعنا والحواجز..
أنملك شجاعة التجرد عن كل ما لا يشبهنا..
هل تجددنا الفصول أم تدفعنا نحو الهاوية..
هل ننتج ثماراً، أم أننا نثمر أوراق تتهاوى كالقشور لتكسو أرصفة أيامنا الآتية..
أنفتخر بجذورنا حين نكبر كما تظهر الأشجار جذورها من تحت التراب؟
أننتج ثماراً في شيخوختنا؟
يوقظني ضجيج القطار فيحتويني من جديد ليكتب مشهداً آخر..

تمرّ بي الطريق..
والقطار هو هو لا يتغير.. تتغير النافذة فقط
تتغير الألوان والمشاعر والأصوات..
تأخذني النافذة نحو هضاب موحشة.. تخبئ في ظلالها ألف حكاية وحكاية..
وتُسْرَقُ خلف ستارها ألف قبلةٍ وقبلة..
هضاب تذكرني بعدم تجانس أيامي..
بصباحي المتسارع خلف فنجان قهوة..
العابق بكثرة المشاكل والحلول والقرارات..
بغروبي الجائع المتأمل بمساءٍ غريب حالمٍ..
بخيبة أمل مساء يأتي كالسابق.. كالسارق يأتي فارغاً فيملأ جعبته من أحلامي المتلونة..

تستحوذني رحلة القطار هذه.. كحلم مسافر..
تنقلني بعيداً عن عويل السيارات ورائحة دخانها القاتل..
كمن يتجه نحو المجهول..
نحو تاريخ آخر لا يشبهني.. لا يشبه كتبي..
نحو منزل لا تعرفني جدرانه وأعمدته..
نحو خزائن فارغة لم تمتلئ برائحتي..
نحو أدراج لا تعرفها أسراري..
نحو مدفأة لم تشتعل بعد بنيران أشواقي..

تمرّ بي الأحلام..
والقطار يحملني من فكرة إلى صورة..
نظراتي التائهة تخشى المغادرة..
إنها المحطة..
بارد هذا المساء..
أخرج من القطار إلى محطة لا تشبه محطة أحلامي..
حشود متهافتة جيئة وذهاباً..
أضيع في عجقة المكان..
أضيع في عجقة الأفكار والأجساد..
يطلب أن أشعل له السيجارة.. جريء هذا الغريب..
لم تمتلكني سيجارة بعد ولم أعتد إشعال أمراض الغرباء..
يمضي ممتعضاً غير عابئ بإنذاري..
ألتفت ورائي لأرى القطار يستعد لنزهة شخص آخر لا يشبهني..
أشعر بثقل المكان.. ليت القطار يشعر بوحدتي
ليته يرافقني حتى أنهي محطتي..
ليته ينتظرني ريثما أعود فأكمل نزهتي إلى اللامكان..

يمرّ القطار على ذاكرتنا..
تمرّ بنا الطريق.. ونحن ما زلنا في أماكننا...
تمرّ على مشاعرنا.. على حياتنا الماضية..
تمرّ على انجازاتنا وانتصاراتنا .. على كلّ ما مرّ ولن يعود..
على أوجاعنا.. على ابتساماتنا.. على آمالنا ومستقبلنا..
تمرّ وتتركنا في مكان لا يشبهنا.. تتركنا مع ضعفنا وأوجاعنا وخيبات أملنا..
تمر فتأخذ منا أحلامنا بمستقبل لا يشبه حاضرنا..
تمرّ فتأخذ تاريخنا ليصنع مساحات وأحلام جديدة ..

2008-03-21T06:00:00.002+02:00

الآلام.. وأمي

السنة مساقبة الجمعة العظيمة ب 21 آذار يعني عيد الأم
والأم الآلام بتكون مرافقتا كل حياتا
كرمال هيك ما فيي غض النظر وما اكتب لأمي.. الله يخلي كل أم
وبما أني بعتبر غنية "مرسيل خليفة" من أجمل الأغاني للأم (بعدني بدمع كل مرة بسمعا)
ما لقيت أجمل من هيك شعر اهدي لأمي بعيدا وبالجمعة العظيمة يلي مريم عم تبكي فيه على إبنا..

إلى أمي... محمود درويش

أحنّ إلى خبز أمي وقهوة أمي ولمسة أمي
وتكبر في الطفولة يوما على صدر يوم
وأعشق عمري لأني إذا متّ، أخجل من دمع أمي!

خذيني، إذا عدت يوماً وشاحا لهدبك
وغطّي عظامي بعشب تعمّد من طهر كعبك
وشدّي وثاقي..
بخصلة شعر بخيط يلوّح في ذيل ثوبك..
عساي أصير إلها إلها أصير..
إذا ما لمست قرارة قلبك!

ضعيني، إذا ما رجعت وقودا بتنور نارك..
وحبل غسيل على سطح دارك
لأني فقدت الوقوف
بدون صلاة نهارك

هرمت، فردّي نجوم الطفولة
حتى أشارك صغار العصافير
درب الرجوع..
لعشّ انتظارك!

2008-03-17T08:25:00.001+02:00

الرذائل السبع

على ابواب عيد الفصح كتير عم فكر بحياتي ..
إذا حققت حالي؟ إذا راضية عن مجرى إياماتي
دايماً منفكّر بالوصايا إذا عم نطبقون أو لاء..
بس السنة خطروا على بالي الرذائل السبع..
حدا يقلي إنو قدر يتخطاهون وما يوقع بفخ شي واحدة منون:

.
الشهوة

الشره

الطمع

الكسل

الغضب

الحسد

الكبرياء

2008-03-11T07:34:00.008+02:00

ربيع خريفي

أكيد رح بتفكروا إني خوتا كتير

الفصول قلبت معي

نحنا عبواب الربيع وأنا عم بتخايل الخريف

القصة إنو هالسبوع يلي مرق كان بيشبه

طقس الخريف
الهوا الدافي

ونسايم بالليل بتتطول العمر

النهارات النعساني
حتى الشجر العريان
كلو بيدل على الخريف

هالزهور بتنبت بالأرض لما بتدفا الدني اول الربيع

ولما بتتعرا الطبيعة بالخريف

الصور صورتون ايلول الماضي

بس بيشبهو طبيعة ضيعتنا بهالإيام

غريب قديش الفصول بتشبه بعضا

دايماً الطبيعة بتتعرى لتلبس فصل جديد

سبحان الله
حتى لما بتكون الشجرة عريانة
ما بتخجل وبتضلّ شامخة

نحن لما منتعرا منتخبا
يمكن لأن منخاف من حقيقتنا

ما تخافوا

بس يطل الربيع رح انقلكون جمال ضيعتنا

2008-03-04T07:48:00.003+02:00

Quote of the Day

"If we wait for the moment when everything is ready, we shall never begin."

(Ivan Turgenev)

2008-02-13T11:34:00.008+02:00

الليلة عيد العشّاق

بغض النظر عن إنو بلبنان ما بقى نعرف معنى العيد،
وبغض النظر عن الفلسفات والنظريات يلي بتقول إنو عيد تجاري وإنو العشاق مش بحاجة للعيد تيعيدوا،
أنا بشوف إنو هيدا العيد كتير مميز لأن عالقليلة بهالعيد منفكر بإنو لازم نحب وننحب،
وعالقليلة مرة بالسنة بيطلع عبالنا يجينا وردة
كرمال هيك قررت إكتب شي بهالعيد.. حتى ما إحكي سياسة
وبما إنو ما بدي إحكي عن حالي.. فكرت إسأل كل واحد منكون المغتربين والمقيمين سؤال خصو بعيد العشاق..

أكيد بتعرفوا غنية كاظ الساهر وشعر نزار قباني:

إني خيرتُك فاختاري ما بين الموت على صدري أو فوق دفاتر أشعاري

إختاري الحب أو اللاحب.. فجبنٌ أن لا تختاري..

لا توجد منطقةٌ وسطى ما بين الجنة والنار..

.
يللا فرجونا شطارتكون يا بلوغرجييي Bloggers .. تشوف مين رح يعرف يجاوب.. شو بيختار كل واحد؟

إذا حدا سقط سهواً وما ذكرتو اكيد ما بدو عزيمة ليجاوب.

DELIRIOUS, RAT, NADO/REALDEW, COCO, KRYS, EVE, LINALONE, LEAFLESS EVE, RAMPURPLE, NOUR, DOHA, ZAYNAB, NARNIJA, NIGHTS, LILIANE, COGNITION-SENSE, POSHLEMON, YOUR ANGEL, TAZART, ELLA

ALL SEEING EYE, MMMMMMMMM, NOBILIS TOBILIS, MARXISTFROMLEBANON, FOUAD, IBN BINT JBEIL, THE HUMAN PRODUCT, JOOJ, BOB, THE LEBANESE, YASSER_BEST, MUHAMMAD ALADDIN, FILASOOF, ANGRY ANARCHIST, SIMON

Jorge, IH

2008-02-04T09:44:00.000+02:00

تلجات الجبل

أنا عايشة بضيعة من ضيع جبل لبنان

إرتفاعا1400 متر عن سطح البحر

بالعاصفة يلي ضربت لبنان أنا كنت بشغلي

وأهلي ما قبلوا أطلع عالجبل بما إنو أحوال الطقس كانت خطرة

كرمال هيك أنزربت 3 إيام برات الضيعة

ولما طلعت كان صحو وأكيد كان لازم خبركون عن تلجات الضيعة

هيدي أول دعسي لإلي بالتلجات الحد البيت

جنّات عمدّ النظر

شعور بالدفا

هيدا التلج كلو خير

الأرض ما بتخزن ميي إلا ما تتلوج

...
بتعرفوا إنو ببلاد التلج

الليل بيكون مضوا
وبالنهار بيكون برات البيوت دفا

هون عادةً بصف سيارتي

ما كان في مجال أبداً صف السيارة تحت العريشة

كل المحلات واسعة للضيف الأبيض

طريق البيت (الطلعة) عنّا ما بيندعس عليا

تلج وجليد: يعني إذا كنت محظوظ بتوقع شي مرتين 3

بهمة الشباب فتحنا طريق البيت نهار الأحد قبل الظهر

درج البيت عنّا مجلّد
وما بيدوب بالهيّن

ما في غير "المعدور" بينفع بهيك حالة
الشباب ملهيين عم يفتحوا الطريق
ومحسوبتكون عم تكسر الجليد عالدرج بالمعدور

ومع إني مرضت من الصقعة والوقفة برا كل الوقت
وتشلعوا كتافاتي عحمل المعدور
وأكلتا سفقة هوا بجنابي
ومع إنو الوجع كان آكلني
ما بتتخايلوا قديش كنت مرتاحة
لأن ربنا نعم علينا بهالتلجات بكانون
التلج والمي النعم الوحيدين اللي بعدنا محافظين عليون

2008-01-25T07:46:00.000+02:00

صبحية عالروشة

من أجمل الصبحيات يلي مرقوا عليي السنة الماضية
أنا "ورفيقي" شربنا قهوة الساعة 7:00 على الروشة

كان في ناس عم تمشي وناس عم تتصيّد سمك..
ناس عم تشرب قهوة وناس عم تحكي..
وناس...

حسيت إنّا كمشة من هالناس، همومنا متل همومون يمكن أكتر ويمكن أقل..
نحن عم ندفع حق فنجان القهوة.. ناس عم يعملوا القهوة.. وناس ما معون حق فنجان قهوة..
ولاد صغار واعيين بكير تيطلعوا رزقون.. ولاد ما بيناموا من إحساس الجوع اللي بيوعيون من قبل طلوع الضو..
ختيار عم بيفكر كيف بدو يكفي هالعمر وحدو.. وختيارة لاقت كلب رفيق تمشيه حدا بلا ما تعتل هم الرفقة..
ناس متلنا عم بيقلع نهارون مع فنجان قهوة.. قبل ما يرجعوا على عجقة المكاتب..

ما بعرف ليش لما بقطع عالروشة بتمرق كل الدني بعيوني.. متل كأنو محل بتكب فيه همومك وبتعبي هموم غيرك..
كنت دايماً فكّر إنو كل الماعندون بيوت بيقعدوا عالروشة.. مش لأن ملان ناس بلا بيوت..
يمكن لأنو بيشبه البيوت بالضيعة: الوجوه مألوفة.. ريحة القهوة ما بتغيب.. الناس رايحة جايي، الفقير حد الغني، كلون بدون يكبوا همومون بالبحر.. كلون ناطرين يجبلون البحر الخير

قطع الوقت بسرعة وخلص فنجان القهوة.. خليتو بإيدي بركي بتطول وقفتي عالروشة..

2008-01-21T12:11:00.000+02:00

ما أطولك يا ليل.
.

ما بعرف شو بيصرلي أوقات.. أو بالأحرى دايماً.. نوبات قلق وما بعود بقدر نام..
مبارح عشيي رحت تنام.. ما كنت إغفا بسهولة..
كان صقعة وما كنت قادرة كتير إبرم بهالتخت وأنا عادةً بنام على ضهري..
صرت إتطلع بالنجوم اللي بيضووا الحاطتون فوق تختي.. ما كانوا يجيبولي النوم ععيوني..
افكار تجي وأفكار تروح... صرت إسأل حالي شو اللي موعيني؟ في كتير أسباب:
إيدي كتير عم يوجعوني لأني بنفي النهار كنت عم كسر الجليد "بالمعدور" عنزلة بيتنا وكان في كتير هوا يعني أو سافقني الهوا أو عثقل "المعدور" عضلوا إيديي..
أو معقول لأني زحطت ووقعت مرتين بالنهار عالنزلة وجنبي مزرق وبعدو عم يوجعني؟
بس هالسباب ما بتخليني أوعا بالعكس لازم عالتعب نام متل الحمارة..
طيب شو السبب؟
معقول عطلاني هم هالديون اللي فوق راسي واللي ما رح يعرفو يخلصو قبل ما موت؟ وما يخلصو.. عشو عطلاني هم شو رح آخدوني معي عالقبر؟
يا ربي هالليل ما أطولو.. شو اللي مخليني ما إغفا معقول عم فكر بكل اللي راحوا.. ما كل ليلة عم صليلون وهني ارتاحوا.. صار لازم انا كمان إغفا الليلة وإرتاح..
معقول النومي مش مريحتني؟ بس تختي كتير مريح وهلق دفيت ما بقى في صقعة..
معقول هم البلد نقل عقلبي بهالليل ؟ إنو إذا ما غفيت رح تنحل؟ نامي يا بنت ما بيفيدك غير النوم..

.
بس ما عم يغمضلي جفن.. معقول صوت التلفزيون زاعجني بس كتير واطي وبعيد لدرجة ما عم بفهم شو عم يحضروا أهلي حتى لو ركزت..
هي هي القصة.. التركيز كتير عم بيضرني.. التفكير بالإشيا كتير عم بيضرني ..

بركي حالتي العاطفية ما عم تخليني نام؟ هيدي أكيد ما إلا حل...
أو هيئتني انا متل العادة بكّبر الإشيا كتير .. نامي يا بنت نامي بكرا عندك شغل..
نامي بركي بكرا كل الإشيا بتنحل.. بركي بكرا بتوعي بتلاقي المارد طلع من الفانوس وقللك "شبيكي لبيكي.. عندك 3 أمنيات"..

3 أمنيات بس؟؟؟؟؟ يا بييي خليني هيك أحسن..
....
ما أطولك يا ليل... ما لأطولك يا ليلي.. كأنا ليلي صيفية.. نامي يا بنت نامي..
.... قومي صارت الساعة 5:30 عندك شغل اليوم.

2008-01-03T10:33:00.000+02:00

الحياة أقوى من الموت

.
من حوالي 6 سنين ندهتلي عمتي وقالتلي انا رايحة إتعشى عند أصحابي وما بدي إترك ستك وجدك لحالون طلعي حضرت العشا بتتعشي إنتِ واياهون وبتسهري معون لكنت جيت.. ما بدي إتركون لحالون يا عمتي بركي عازوا شي..
بيت جدي فوق بيتنا طلعت لعندون وقبل ما تفل عمتي بوستني وقالتلي انشالله ما كون أسرتِك يا عمتي بكرا بالمستقبل بتتذكري هالسهرة معون إذا عزتي شي حكيني..

قعدت إتعشا مع ستي وجدي قالتلي كان العشا بطاطا مسلوقة ولبن ولبنة وجبنة بلدية وخضرا وزيتون.. قالتلي ستي إنت ما بتاكلي جبنة بلدية بس بتحبي اللبن عبي كاسة لبن، اللبن بيغذي وجدي قاللي كليلك حبتين زيتون بركي بتربيلك شي شوية لحم.. ضحكني حكيون وانبسطت بسهرتون.. بالسهرة ستس فقتلي جوز وطعمتني مربى التين وبقى جدي يسألني عن الكنيسة والخوري وكان الله يرحمو نكتجي صار ينكوز بستّي تيضحكني.. شو كانت حلوة هالسهرة أنا وستي وجدس لحالنا.. ذكرى كتير حلوة

على عيد مارمارون 9 شباط 2004 الضهر توفى جدي وبس توفى فكرت إنو معا حق عمتي هالعشا والسهرة رح إتذكرون لأن ما بقى فيي إقعد معون تنيناتونزز في حدا انتقل منون لغير دني..

ليلة راس السنة 31 كانون الأول 2007 الضهر كنت أنا وأهلي عم نتغدى عند ستي وعمتي تنودع معا السنة وتترضى علينا للسنة الي جايي.. ما لحقنا قعدنا عملت ستي كريزة قلب وتوفت بساعتا.. وصل الحكيم كانت راحت..

أنا وبالدفن تذكرت عمتي لما قالتلي بعدين بتتذكري هالسهرة معون.. كان بدي قرب بوسا وذكرا بس كانت عم تبكي وقا مش وقتا هلق خبرا..

المفارقة إنو جناز الأربعين لستي بيكون عالقد على عيد مارمارون يعني الجناز بيكون لتنيناتون..

ما بقى رح إقدر إقعود أنا وستي وجدي سوا .. بس هني أرادوا يجتمعوا مع بعضون بهالسنة الجديدة.. أكيد بوقت من الأوقات رح إرجع إجتمع فيون..

الخوري بوعظتوا قال: "مالازم نبكي.. هيدي الحياة هيك.. لازم نفرح لأن انتقلت روحا للسما.. والحياة أقوى من الموت.. ماتت بهالدني لتعيش بدني تاني"
أكيد الحياة أقوى من الموت.. وأكيد أنو ستي ارتاحت.. بس الأهم إنو ما بقى في شي بيشبع شوقي لإلا..
رح اشتقتلا كتير هي وجدي.. ورح ضل شم ريحتون بعد أول شتوة.. بوراق الخريف بالعنب المجفف بالتينة الحد البيت بكل ختيار ناطر حدا يدفيلو إيدو بسلامو..انشالله نفسون تكون بالسما..

ليلي بدون يعيدوني وليلي سألوني كيف كانت هالسنة بقلكون هيك خلصت السنة عليي.. انشالله السنة الجايي تجيب معا الخير لإلنا وللبنان..

2007-12-24T11:30:00.000+02:00

متل اليوم توفت إخت لإلي
إخت ما لحقت إتعرف عليا
ملاك صغير خلقت بـ 29/10/1971
وتوفت بـ 24/12/1972
إمي رجعت سمت إختي الكبيرة على إسما "ميشلين"..
تخايلو ليلة عيد الميلاد صار عنا ملاك بالسما..
بضويلا شمعة السنة بذكرى وفاتا.. بركي هالشمعة بتكون صلاة..
الله يكون غامرا برحمتو..

انشالله "بميلادك يا ربي بتكير المحبة وبتنمحا الخطايا بكل الدني"

2007-12-11T12:09:00.000+02:00

"إنتَ رفيقي يا صديقي"

هالبوست نشرتو نهار خميس 15/3/2007

http://khawwta.blogspot.com/2007/03/dj.html

نزولاً عند رغبة "رفيقي" وتخليداً لذكرى الفنان "عازار حبيب" عم إنشرو اليوم:

اليوم الصبح انا ونازلي عشغلي سمعت غنية على إذاعة بس من أروع الأغاني اللي سامعتا بحياتي الله يوجه له الخير لهالـ DJ عنجد ردلي ذكريات حلوة، خاصةً إني كنت واعية مرتاحة..لأن بس تتلج الدني عنا وشوف منظر البياض وحس بصقعة التلج بيكبر قلبي بحس إنو بالرغم من كل شي، بعدو ربنا قادر يعطينا من نعمو وخيراتو..الغنية إسما "إنتَ رفيقي يا صديقي" ليلّي ما بيعرفوا رح إكتب مقطع واحد من الغنية لأني مش حافظتا كلا:

إنتَ رفيقي يا صديقي وأغـلا من خيـي الحقيقيي

قـرّب صـوبي بـدّي ضمّك خدي شـو مشتـاق لتمّـك

قـرّب صـوبي ولا يهمّـّك قـرّب رح بينشّـف ريقـي

هيدا كل الحافظتو منا بمقطع من المقاطع بيقول "اللبناني بطبعو مسالم"..الغنية كتير حلوة وما بعرف مين بيغنيا (صرت أعرف إنو الغنية للفنان عازار حبيب) بس كتير بتعنيلي وبتأثر فيي من أنا وزغيرة.اليوم لما سمعت الغنية تذكرت إيام الجامعة وصداقاتي الحلوة.. يا الله شو كانت حلوة هالإيام.. كانوا يسموني مختارة الجامعة..كونت صداقات من كل الطوايف وأنا اللي درست لاهوت حتى أعرف بشو بآمن.. تعلمت بالجامعة اللبنانية إشيا ما حدا علمني ياها..قبول الآخر .. الاختلاف نعمة مش نقمة..
تخايلوا بنت كسروان وبالجامعة اللبنانية!! ما كنت أعرف مظبوط شو معناتا مسلم أو درزي.. كنت مفكرة إنو لبنان كسروان وجونية وجبيل.. وبيروت كانت بس عالخريطة.. أكيد كنت أعرف إنو لبنان أكبر من هيك وإنو في جنوب وشمال وبقاع والشوف معقل الدروز.. بس الصور براسي كانو بس لكسروان وجونية وجبيل..
.
بمرة من المرات كنت قاعدة أنا وكم شاب ومن ضمنون رفيقي "نبيل" كنا عم نحكي عن الطوايف..فأنا بالمزح ما تركت حدا من شرّي.. وقلتلون المثل القديم اللي بيقول "تغدا عند الدرزي ونام عند المسلم"، على أساس كنت مفكرة إنو "نبيل" مسيحي..بس سمع المثل تضحّك وقاللي مظبوط نحن الدروز صوفتنا حمرا عند المسيحيي..من وقتا تعلمت ما ابني احكام مسبقة عالمظهر أو طريقة الحكي، كان متهيء لي إنو كل الدروز بيحكوا "بالقاف" وإنو عيونون زرق وبيلبسوا الشروال لوين ما كان..
.
صداقتي "بنبيل" خلتني اعرف إنو نحن كلنا متل بعض وما بتفرق إذا درزي أو مسلم ، المهم الأخلاق والروح الطيبة..وكنت دايماً إتساءل عليه وقلو "إنتَ مسيحي بلا ما تعرف".. حتى إنو مرة طلع حضر دفن المسيح عنّابالجمعة العظيمة.. وبعدا بفترة طلعنا على الشوف والتقينا بدروز ختياريّة بياخدوا العقل قد ما مهضومين.. ومن يومتا انغرمت بالختارية اللي بيلبسوا شراويل ما بعرف ليش بحس لبنان حاضر بعيونون وقلوبون..
.
"نبيل" اليوم بأميركا، الحمدالله إنو بعدنا رفقا.. هو من الأشخاص يللي بتلتقي إنتَ وايّاهون فكرياً متل كأن شو ما بتفكّر بيكون مقبول عندو.. يا ريت منكون كلنا هيك بلبنان..أحلا شي إنو يكون عندك صديق ما بتجمعك فيه الطايفة او العيلة أو المصالح المادية..
صديق بتحبو متل ما هوي.. وبتصير الذكريات الحلوة اللي جمعتك فيه بتبقى معك كل العمر ..صديق بيبقى صديق لو شو ما كانت المسافة بيناتكون..بيلمعوا عيونوا بس يشوفك.. بيغمرك من كل قلبو.. بيشتاقلك.. بيخاف عليك..
.

"نبيل" ما عندي الغنية لإهديك ياها.. بس بقلك كل مرة بتسمعا تذكرني متل ما أنا دايماً بتذكرك..

2007-11-19T10:25:00.000+02:00

بحثٌ عن الهوية

.
ما كان سيحدث لو غادرت هذا اللبنان..
ما كان سيحدث لو قررت الحصول على هوية أخرى أو الانتماء إلى وطن غير هذا الوطن؟
لكنت شهدت ولادة إنسان آخر..
لكانت امتلكتني أشواق العودة والحنين إلى أرضٍ باتت لسواي.. إلى وطن لن ينبت أبنائي.. إلى لبنان خسرته يوم اتخذت قرار المغادرة، يوم أبعدت عيني عن رؤية امتداد زرقته وارتفاع جباله..
لكنتُ همت على وجهي بحثاً عن هوية جديدة ألبسها.. عن انتماء آخر.. عن وجه لا يشبه وجه لبناني.. عن إنسان جديد سيولد.. عن دائرة نفوس غريبة تُصدر لي الهوية.. عن مبادئ مختلفة يرتشفها أبنائي..

لم تراودني أحلام الرحيل لأنني أفقد التوازن حين أقاوم جاذبية الخريطة الخضراء خوفاً من أن أعتمر مكان لا يشبه ذاكرتي.. لأني أكره جمال كل المدن التي تنافس جمال مدني.. لأني أعشق طلوع الفجر وغروب الشمس في وطني..

لم أغادر .. لأني أرفض الارتباط بأرض رائحة ترابها لم تتخمّر تحت سماء وضياء وطني.. لأني أعجز عن تبني شعب لا يملك تقاليدي ولا يتمتع بثقافتي ولا تهمه مبادئي..
لأني أخشى مجيء الفصول دون أن أشهد ولادتها..
لأني أكره أن يبللني مطر لم تحبل به غيوم سمائي.. لأني أخاف أن أعتاد المياه المعلبة واستبدالها بينابيع قريتي.. لأني سأشتاق إلى كل ما أنبتته أرض لبنان وستنبته لأبنائي.. لن أغادر لئلا يخنقني ثقل الهواء الفارغ من عطر أشجار جبالنا..

لن أرحل طالما تراودني رغبة الصلاة بلغتي.. لغة الوطن.. لغة تصبغ صوري ومفرداتي.. تستحوذني فتمنعني من التواصل بلغة سواها.. لغة حفرت ذاكرتي ورسمت تاريخي.. لن أرحل ما دمت أشتهي لوطني حكاماً لن يولدوا إذا غادره جميع أبنائه..

لم تساورني هواجس الارتحال لأن الوطن يلبسني كلما مشيت في شوارع لا تؤدي إلى منزلي.. يلبسني إذا ما أقمت في منزلٍ لا تقودني أروقته إلى غرفتي ومؤنة أمي ومدفأتي.. وإذا لم يغطي "نفناف الثلج" درج منزلي..
لن أغيب عن ملامح وطني ما دمت أفيق من شوقي إلى غناء الضفادع في أول الصيف.. وما دمت أغار من ابتسامات تجوب الأرض متحدية دموع أهلي.. ما دامت التساؤلات تتآكلني حول الشوارع والفصول، حول الورود والأشجار، حول عاداتنا وتقاليدنا، حول عجوز ينتظرني "بالعوافي" على مفرق طريق خلال نزهتي المسائية..

أخاف الرحيل أجل.. اخاف الرحيل لئلا تشرق الشمس دون أن أشهد طلوعها من على شرفة منزلي.. أخاف رحيل من أحبهم وأنا لست هاهنا.. أخاف أن تكبر الجبال وأنا بعيدة.. أخاف أن تهرم المنازل ولا أعود أعرفها.. أخاف أن أعتاد على غربتي فتفقدني محبتي لهذا الوطن..

كيف أرحل ما دامت بدائع الدنيا تسقط أمام تواضع معالم الوطن.. كيف أترك أوراق التفاح والتين والعنب تتهاوى دون أن أراقب تراقصها على طرقات غير معبدة.. كيف أرحل وأترك فنجان قهوتي وحيداً..
عاجزة أنا عن الرحيل.. أخاف أن أهجر بلادي.. لمن سأترك هذا اللبنان من بعدي.. إذا رحلت أنا من سيبقى.. من سيقرع جرس كنيستنا من سيصغي إلى المآذن.. لمن ستغني فيروز.. من سيراقب هطول المطر من خلف النافذة.. من سيبني صخور الوطن منازل قرميدية.. من سينبت حقول القمح ويعصر الزيتون.. من سيزيل الثلج عن غصون أرز الرب..

لا يغادرنا الوطن.. بل نحن نتخلى عن عبئ انتمائه..
أن نغادر الوطن.. يعني أن نغادر ذاتنا. أن ندفن صباحاتنا وأمسياتنا المصبوغة بنسائمه..

يختارنا الوطن، لا بل ينتمي إلينا بدل أن ننتمي إليه.. يختارنا كما يصطفي الرب أولياءه.. يناضل بوجه نزواتنا وبحثنا عن انتماءات أخرى.. يختارنا شهوداً لتاريخه وبناة لحضارته.. يمنحنا هويته، وما أعظم هذه الهوية، فإما أن ننتمي فنكون منه أو لا نكون..

أن ننتمي إلى وطن انتشلنا من عجقة الأوطان وأرادنا لتاريخه علامة.. أن تتنفس دماؤنا من هوائه وتنجبل ذاكرتنا بترابه وتصبغ الشمس أجسدنا الساجدة تحت عظمة مجده..
مجد هذا اللبنان منح لي فهل أرحل.. كيف أغادر وأتخلى عن جزئي من الوطن..

لا يغادرنا الوطن.. وإنما نغادره نحن.. نتخلى عمّن أنجب ذاكرتنا.. عمن نحت ملامحنا.. عمن شكّل صورنا وشخصنا وماضينا.. عمن خلق الإنسان بداخلنا.. نغادر الوطن كما تقلع الأشجار من جذورها.. نغادر فنتخلى عن هوية أبنائنا ولا يبقى من يشبهنا.. نغادر فندفن ذواتنا وتاريخنا..
لن أغادر لأني أعجز عن الإنتماء إلاّ إلى من أنجبني.. لبنان

2007-11-12T14:16:00.000+02:00

الحرية عند العرب

.
إن الحرية عندنا، تفترض أنه لا يوجد على ظهر الأرض سوانا...

.
فنحن نقود سياراتنا على أساس أن البشر لم يُخلقوا بعد.. وأن مصانع السيارات لم تُنتج سوى سيارة واحدة هي التي نركبها نحن..

.
والحرية عندنا، معناها أن نجعل العالم كله أملاكاً خصوصية لنا، وأن نشتري جميع تذاكر السينما ونمدد أرجلنا على جميع المقاعد..

.
ونشتري كل الأدوية الموجودة في الصيدليات.. وكل الخبز الموجود في الأفران.. وكل السمك الموجود في البحر..

.
وكل النساء الجميلات في العالم، ونعلقهن كالفراشات المحنطة، على جدران أنانيتنا...

"نزار قباني"

2007-10-30T09:43:00.000+02:00

OUT OF PRISON

If you were in prison for 1 to 10 years,
What is the first thing that you would do when you got out?
Bloggers are all tagged...

Delirious, RAT, Nado, Coco, Krys, Eve, Linalone, Leafless Eve, rampurple, Nour, doha, Zaynab, Narnija, nightS, Liliane

All Seeing Eye, MMMMMMMMM, nobilis tobilis, MarxistFromLebanon, Ana Min Beirut, Fouad, Jamal, hillz, Ibn Bint Jbeil, The Human Product, jooj, Bob, The Lebanese, Yasser_best, Muhammad Aladdin, poshlemon, Filasoof, Angry Anarchist, Simon

Madona, Heba, IH

Did I forget someone?

2007-10-22T11:35:00.000+03:00

سنة عم بكتب

من سنة متل اليوم، كنت كتير محمسة تاكتب شو بفكر وبشو بحس بدون ما تفرق معي حدا، كان بدي صفحة بيضا خاصة فيي عبيا عراحتي..

صارلي سنة عم إكتب حالي، ما بعرف إذا قدرت وصّل أفكاري متل ما هيي..

أول نص كتبتو كان نهار ثلاثاء 17 تشرين الأول 2006 وكان عنوانو:
"نكاية بالتنوع.. بنتمي للبنان"
http://khawwta.blogspot.com/2006/10/blog-post.html

.

2007-10-15T10:16:00.000+03:00

يوسف أبي يونس

.
كان عليي ندر لمار شربل.. ووعدت أهلي إنو نطلع على عنايا ومن بعدا نقطع على فِرحِت وكفربعال الضيع اللي ربيت فيون إمي..

ما كنت عارفي إنو مشواري عبلاد جبيل رح يكون محطة مهمة بحياتي..

انطلقنا على بلاد جبيل .. كل الطريق كنت عم اطلع على الدني كأنا أول مرة.. كان بدي المفارق والكواع القوية تبقى بذاكرتي.. كان بدي السما الزرقا تضل بعيوني تما إنسى هالمشوار..

.
وصلنا على عنايا، كنت حاسة كأن أول مرة بزور الدير وكأن أول مرة بشم ريحة الحيطان.. ما بعرف ليش هالمرة كانت مغيرة عن كل مرّة.. وفيت الندر، ومتل العادة اشتريت "مسبحة وصلاة السائق للسيارة".. ما بقدر زور دير مارمارون عنايا يلي صار لاحقاً دير مار شربل بدون ما إشتري مسبحة..

.
صوّرت أمي وبيي حدّ تمثال مارشربل بالساحة.. إمي كانت لابسة قميص لون زهر كان وجّا منور يمكن حسيت إنو مارشربل كان غامرا..
اشترينا "زوفا" من حدّ الدير.. وطلعنا عالمحبسة.. صليت وضويت شمعتين من كل قلبي..

.
أول مرة بنتبه إنو كنيسة المحبسة لمار الياس وماربطرس إذا مش غلطانة "مار الياس حامل سيف وماربطرس بإيدو المفتاح"، حيطان المحبسة ريحتون بخور.. السقف كلو خشب.. البواب قديمة.. غرفة مارشربل، التخت ومخدة الحطب.. السراج.. كأني كنت عم بتفرّج على محبسة العجايب لأول مرة.. يمكن لأن قبل بجمعتين حلمت المحبسة والزيت المقدس بنومي.. كان مارشربل عم بيذكرني بالندر.. أو يمكن كان عم يعزمني على مشوار ما رح إنساه كل عمري.. كان عم يعزمني تإتعرف عمشروع قديس..

.
بتطل المحبسة على وادي بياخود العقل.. قد ما إحكي ما بقدر إشرح جمال المشهد .. السما مفتوحة عمد النظر.. وإنت وواقف بتحس كأنك عم تتحدا جاذبية الأرض.. يمكن بهالمحل كان مار شربل يتحدا الجاذبية وينسا حالو هو وعم يقرا الإنجيل او عم يصلي ويمشي بالهوا بدون ما يحس..

.
فلينا من المحبسة وأنا وفالي إجاني إتصال من الشخص يلي كان الندر على نيتو.. كأن مار شربل جاوبني بهالإشارة..
.

بعد المحبسة.. كان صار وقت نروح على ضيعة إمي.. جدي من ضيعة إسما "فِرحت" بعيدة 10 دقايق عن عنايا وستي من "كفربعال" قريبة نفس المسافة.. الضيعتين حد بعضون بس أهل إمي كانو عايشن "بكفربعال".. كرمال هيك توجهنا عهالضيعة..

.
إحساس غريب كان غامرني نحن ورايحين كأن في حدا ناطرني عالمفارق الضيقة.. تذكرت كيف كنا نجي نحن ونزغار نقضي شهر بالصيف عند بيت جدي.. ريحة شجر "الشربين".. ريحة "الزعتر الأخضر".. روايح الخل وكروم العنب.. صرت إتطلع عطراف الطرقات الضيقة بركي بلاقي زعتر أخضر رفيع متل الي كنا نحوج منو نحن وزغار..

.
ما فيي إشرحلكون شو هالإحساس يلي حسيتو بس وصلنا "عكفربعال".. التراب الأبيض، أو متل ما بتسميه إمي "الحوارة" ردني لهاك الإيام الحلوة للطريق الضيقة الطويلة يللي محوطا "شجر الشربين" عالميلتين.. لشجر التين الأسود ولطعمة عنب الكرم.. صور وروايح حلوة ردتني لإيام الولدنة..

.
وقفنا حد بيت خالا لإمي.. بيت قديم شبابيكو لونون أخضر.. بتذكرو كتير منيح.. كنا نعيطلو عمّو يوسف.. كان يبوّسنا ويغمرنا من كل قلبو.. خاصةً إنو ما عندو ولاد بعد جازتين وبعد ما ترمّل مرتين..
ما لقيناه بالبيت.. قالولنا إنو بالحقلة عم يزرع.. رحنا نفتش عالعم يوسف..
.

نزلنا بطريق ضيقة كتير على طرفا ملانة كروم عنب وشجر زيتون وبركة كبيرة بيسقوا منا الجناين.. وصلنا عآخر الطريق على بيت حجر قديم بيت كتير زغير مش متل بيوت هالإيام الواسعة، هو عبارة عن غرفة قعود وغرفة للنوم ومطبخ وكلو مفتوح عبعضو.. سطحو خشب وطين.. وقدامو في سطيحة..
مقابيل البيت في كنيسة حجر قديمة كتير، قدام بابا في "حبقتين".. بعدا ريحة "الحبق" ما عم تروح من راسي.. والساحة قدام الكنيسة مطلة على كروم العنب والزيتون.. منظر بياخود العقل.. الكنيسة كانت مسكرة..

إمي وبيي بيعرفوا أصحاب البيت فنزلوا يسلموا.. وأكيد كرم الضيافة اللبنانية تدخلو وما قبلت صاحبة البيت يلي تذكرت إمي إلا ما ننزل ونشرب قهوة .. بعد القهوة تضيفنا عنب ريحتون زعتر.. ودلتنا هي وبنتا الي كانت رفيقة إمي على محل العم يوسف..

طلعنا من نفس الطريق ووقفنا.. نزلوا أهلي يعيطوا "ليوسف الجدّ"!!!!
وصل يوسف.. يا ريت بقدر اوصفلكون شكلو.. ختيار، شعرو ابيض شايب متل جبال لبنان البيضا.. دقنو بيضا شي إنا طالعة.. تيابو كتير نضاف عليون غبرة التراب الأبيض.. وجو أبيض وخدودو حمر .. ما قدرت ما بوسو.. بوستو من كل قلبي وغمرتو .. قلتلو اشتقتلك مع إني ما بعرفو كتير..
سألتو عن حالو وعن شغلو.. قالي: "متل منك شايفة عم نركض تنطلع لقمة العيش.. ما تواخذوني اليوم مضطر إفلح جيتو بوقت مش قادر إقعد معكون.. شو بتكونو عم تقولوا عني ما استقبلتكون متل ما لازم".. قلنالو ما تعتل هم نحن بس بدنا نشوفك ونتطمن عنك.. بوستو إمي ووعدتو نرجع غير نهار وجينا تنفل.. هوي وعم يودعنا صار يبكي..
ما بقدر أوصف مشاعري لما شفت عيونو غرقانة بالدموع.. كرجوا دموعي بلا ما حسّ.. حكمتني غصة بقلبي.. وحسيت وقفت الدني عندي بعيون هالختيار..
العم يوسف ما عندو ولاد عايش لوحدو .. قرايبو الوحيدين هني إمي وإخوتا.. ما بعرف قديش عم بيطلو عليه.. بعرف إنو شفت بعيونو شوق للناس، للقرايب، لحدا يتذكرو ويسأل عنو .. فقع قلبي لما فهمت شو قصدو هوي وعم يودعنا.. "كان عم بيقلنا أنا كل الوقت لوحدي، ولما جيتو ما قدرت كون معكون"..

كل الطريق أنا وراجعة كنت عم ببكي.. عم ببكي من وحدتو.. عم ببكي لأنو دمعتو جرحتني.. ما بيقهرني غير الختيار العم يبكي.. وهيدا مش حيلا ختيار .. هيدا قديس عم يفلح بمحبستو لحالو.. ما حدا عم يسأل عنو.. مشتاق للناس.. عايش مع الله..عم يزرع بهالحقالي ويحاكي الصخر.. ولا مرة فكرت إنو يمكن يكون عايش لوحدو.. ذكرني بجدي الله يرحمو، بس جدي كنا كلنا حدو..
وعدت حالي إنو إرجع زورو.. تشوف إذا ذات الدمعة بعدا ناطرة تودع حدا جديد.. رح إرجع تيصدق إني مشتاقتلو.. مش هوي اللي مشتاق للناس.. أنا مشتاقه لهيك ختيار يفوت عقلبي وحياتي.. يا ريت بقدر صبحو كل يوم..

.
نحن وفالين بيبين علينا دير عنايا.. أنا وعم ودع مار شربل.. بيوصلي MSG من رفيقي المغترب تضويلو شمعة إذا بعد ما فليت.. أكيد مار شربل سمع الطلب.. ضويتلو الشمعة بدون ما ولّعا.. أكيد ولعت على نيتو بإيد حدا غريب كان عم بيضوي الشمعة هوي وعم يطلب هالطلب.. صليت على نيتو وقررت ضويلو شمعة المشوار الجايي..

عشيي قبل ما نام صليت لربنا يطول بعمر العم يوسف عالقليلة تشوفو قبل ما يشتاقلو الرب.. وقلو إنو في حدا عم يفكر فيك.. في حدا عم يشتقلك.. في حدا ما بيقبل يشوف دموعك.. رح تبقى بذاكرتي.. ورح ضل صليلك.. الله يخليلنا ياك ويطول بعمرك..

2007-10-04T11:49:00.000+03:00

آخ يا بلدنا: شوشو/الأخوين رحباني

شحادين يا بلدنا...قالوا عنا شحادين
نشالين يا بلدنا... قالوا عنا نشالين
محتالين يا بلدنا... نحن شوية مساكين
مظلومين يا بلدنا... إيه وحياتك مظلومين
.
عطشانين يا بلدنا... والميّ بخمس وستين
جوعانين يا بلدنا... وما عندنا رز ولا طحين
طفرانين يا بلدنا.... وبالتعتير مليانين
محتارين يا بلدنا... ليش منشكي محتارين

.
أراضينا للبيع للأغراب .. يا بلدنا
جرايدنا للبيع للسفارات .. يا بلدنا
ضمايرنا للبيع للجواسيس .. يا بلدنا
على أونا.. على دوّي.. مين بدو يشتري مين
.
نحن يا أهل المروة..

مساكين مساكين..
وزرا ونواب للبيع..
مدرا وحجّاب للبيع..
شعرا وكتاب للبيع..
كلو كلو للبيع..
.
ليش منسرق .. ما سألتونا

منسرق لأنه سرقونا
ليش منبيع .. ما سألتونا
منبيع لأنو باعونا !!
سرقونا الكبار... باعونا الكبار
ونحنا حرامية دراويش.. صغار.. صغار
صغار صغار.. صغار.. صغار!!
.
شحادين يا بلدنا... قالوا عنا شحادين
نشالين يا بلدنا... قالوا عنا نشالين
محتالين يا بلدنا...نحن شوية مساكين
مظلومين يا بلدنا... إيه وحياتك مظلومين..
.

2007-10-03T09:06:00.000+03:00

الإعصار الأسود

النهار اليوم

http://www.annahar.com/content.php?priority=4&table=main&type=main&day=Wed

2007-10-01T14:43:00.000+03:00

مواسم الضيعة

2007-09-27T09:37:00.000+03:00

مللا علقة

.
ما بعرف شو اللي خلاني اكتب بهاللحظة..
يمكن لأن صار لي زمان ما كتبت..
يمكن لأن صار لي زمان ما إلي جلادة حدا وما حدا عم يسمعلي..
قررت اكتب شي..

دايماً بحلم حالي علقانة بمحل كتير عالي وتحتي في هوة كبيرة، واني مش قادرة إنزل..
نحن وزغار كنا نروح عالنهر عنا بالضيعة، حدو في مساحات خضرا كبيرة،
كانت أكبر واوسع من هلق.. غريب كيف بس كبرنا كل المحلات ضاقت..
كنا نعربش عالصخور نقطف زهر إسمون "اجراس": شكل الزهة متل الجرس..
وكانت ستي "الله يطول بعمرا" ما تخاف بس تشوفني عم عربش عالصخور تأوصل لأعلى محل بالصخرة..
ونتضحك نحن ونازلين ونفكر كيف بدا تتلبك فينا ستي إذا حدا منا ظحّط وفك رقبتو..
مفهوم الخوف ما كان موجود بذاكرتنا.. كنا نعيش لأن الحياة قدامنا.. نتضحك ونلعب.. كان في أمان بوقتا..حتى باللاوعي عنا كان الأمان موجود..

كنت عم فكر مبارح، ليش دايماً بحلم إني علقانة بمحل كتير عالي وما عم بقدر اتحرّك.. وهالهوة العميقة الي تحتي شو قصتا.. مع إني ما بخاف من الأماكن العالية..
أكيد يللي عاملين علم نفس رح يفسروا الإشيا من ضمن إطار فلسفي عميق..
بس أنا جربت إفهم ليش هالخوف عم بيبين بأحلامي.. خاصة انا يلي ما في شي بيهزّني..
ليش بضل معلقة بين السما والأرض بدون ما لاقي حلّ..
ليش في تحتي هوة عميقة وإشيا بشعة.. وبينقطع نفسي إيام.. بصير اتطلع لشوف بعدا السما زرقا؟ بعد فيه هوا لإتنفسو؟ وليش كل العالم فلو وتركوني.. ليش لوحدي علقانة هالعلقة..
ليش بكل الأحلام بكون عم فتش عن حلّ.. ليش ما بستسلم ببساطة..
وشو فيا إذا بقيت معلقة بمحل عالي.. بركي ربنا بيبعتلي شي غراب ليطعميني..
وليش هالحلم ظهر فجأة بأحلامي.. كل عمري أحلامي حلوة وما فيا خوف وهروب ووجع..
ليش دخلكون بحس حالي موجوعة.. وكأني محبوسة بمتاهة وما عم إقدر أطلع منا..

من أسبوع شفت ولد عالطريق عم يشحد، ما بعرف ليش قررت إسألو" ليش عم تشحد؟"
يمكن كان بدي ياه يبيّن زكي أو يعطيني جواب من خلالو يشفق قلبي عليه..
قالي: "شو بدي اعمل إذا ما شحدت؟"
صحيح شو بدو يعمل.. الشحادة هو الأفق الوحيد الموجود بحياتو.. الشغلة الوحيدة الي كبر عليا، كيف عم إسألو هالسؤال السخيف!

وانا دايماً بسأل حالي ليش عم بحلم؟ وليش حلمي هيك؟
بعدين شو قصة هالرموز بأحلامي: مفاتيح، نجوم، تلج، طيور، سمك، شموسة معباية الدني، فراشات. من وين بيصيروا يطلعولي؟
الخوف.. السجن.. العلقة.. عدم الإستقرار.. الحلول الضايعة.. كلا موجودة بحياتي اليومية..

قولولي بقى كيف ما بدي إحلم هيك أحلام!

2007-09-20T07:57:00.000+03:00

2007-09-14T09:57:00.000+03:00

الحلم اللبناني

بسامح يلي بيسيء لإلي بس ما بسامح يلي بيسيء للوطن
بعد مرور 25 سنة على إغتيال "حلم لبنان"
بتذكر بعض من كلماتو:
"بدنا نحافظ على كرامة الإنسان
بقترح إنو نحط خط بين الماضي والحاضر، ونبلش كلنا طريق جديدة.. قولو الحقيقة قد ما كانت صعبة تكون
بدنا رئيس يعرف شو بدو ويعرف شو بدنا ويعمل يلي بدنا ياه
بدنا رئيس يوقف على قبر شهيد.. رئيس ما يشتري ويبيع"
هالرئيس اللي حكم 21 يوم، أرادوا أعداء لبنان بـ 14 أيلول 2007 يصير شهيد الـ 10452 كم2

أكيد كتار ما بيعنيلون "الشيخ بشير".. ورح يسألوا كيف إنتِ مش منتمية لحزب ولا معبيلك عينك حدا من الطقم الموجود عم تحكي بقلب كبير عن "بشير الجميل"..
بيشرفني بذكرى "إغتيال الحلم" إتذكر تواضعو، عفويتو، إيمانو، ثورتو، بطولتو، عنادو، كلمتو اللي بتوقف بوج الريح والأهم من هيك لبنانيتو
حدا يدلني على رجل لبناني في مواصفات رئيس جمهورية بيشبه هالرئيس

هيدا رئيس لبناني 100% .. بيقدس خصوصية لبنان
رجل بكل معنى الكلمة.. كان قادر يحكم البلد بقبضة من حديد.. كان الحل للبنان يلي بحلم فيه
على عكس ما الكل ببيفكروا ما كان بدو يذوّب باقي الطوايف.. بس كان مأكد إنو المسيحيين بلبنان هني يلي بيخلوا يكون مميز عن باقي الدول العربية.. كان مأكد إنو المسيحيين بلبنان هني يلي بيخلوا لبنان يكون نجمة متميزة بالشرق
كان إنسان مؤمن بلبنان .. مستعد يقدم كل شي كرمال المواطن اللبناني والكرامة والحرية اللبنانية
كان عم بينادي بلبننة جميع الطوائف.. ما كان بدو الكل يكونو مسيحيين.. كان بدو الكل ومن ضمنون المسيحيين يكون لبنانيين بدرجة أولى..
سمولي زلمي موجود حالياً عالساحة اللبنانية قادر يحقق حلم المواطن اللبناني.. سمولي ربع زلمي..
دلوني على رئيس جمهورية منفتخر نقول إنو رئيس جمهوريتنا
بعرف إنو الشيخ بشير ما كان كامل وعندو أخطاء بس أنا بيكبر قلبي بس حدا يحكي عن هيك رئيس قدر يخوّف كل العالم وكان قادر يحقق لبنان متل ما بدنا ياه بمعزل عن إيران وسوريا وفرنسا واميركا وحتى اسرائيل (على عكس الخطأ الشائع)..

تحيّة لرئيس الجمهورية الوحيد يلي شرّف هالوطن بزعامتو..
لرئيس الجمهورية الوحيد يلي كرس مفهوم الجمهورية اللبنانية..
لرئيس الجمهورية المؤمن بوطن أزلي قائم بحد ذاتو
لرئيس فهم الكيان اللبناني بمعزل عن أي دولة تانية
لرئيس كرس وطالب بالـ 10452 كم2
لرئيس كان الخط الأحمر الوحيد لإلو: أرز لبنان، الجمهورية والمواطن اللبناني
لرئيس خطابو لبناني 100% وبيفتخر بلبنانيتو..
لرئيس ما خاف من حدا.. عنيد.. كان عندو ثقة بالنصر الجايي..

الله يبعتلنا بشير جديد لأنو أكيد أكيد بعز هالأزمة ما في غير "بشير" وبقبضة من حديد قادر يخلّص لبنان..

وعد يا لبنان نحمل الخبريةنمشي بالساحات،

نحكيها بغنية عن بشير اللي كان،

صوتو ملوا الزمان تعصف معو الكرامة وحرية الإنسان..

وعد يا لبنان يا لبنان يا لبنان

صرت حلم الناس بقصص لولاد

وسكنت الأحلام بفرح الأعياد

ومشعل الضويتو بسما لبنان بدو يبقى لمدا الأزمان..

2007-09-05T08:16:00.000+03:00

الشعب اللبناني شعب حيّ

شعب بيحب الحياة.. دفن موتاه وعم يحتفل بالنصر

"لا سلاح يعلو على سلاح الشرعيّة"

وحدو الجيش بيحمينا

2007-09-03T11:09:00.000+03:00

مبروك للجيش اللبناني

مبروك للبنان

من القلب.. الله يحميكون

2007-08-27T12:15:00.000+03:00

مطرح ما لون الأزرق غاب

عأرض الرمل الفيها اعشاب

2007-08-10T09:43:00.001+03:00

A Goodbye Message

"Each friend represents a world in us, a world possibly not born until they arrive, and it is only by this meeting that a new world is born".

>
Dear Friend,
You're one of the most precious memories in my life..
We met by coincidence and our friendship happened by accident :) to be more specific I avoided your friendship many times without a reason I wanted no more friends in my life.. I thought those that I have are more then enough.. Obviously I was wrong.
>

As time passed I discovered a wonderful person that describes me as an "unmatchable person".. I was shocked and took it as an exaggerated compliment.. but you made me feel that way in every conversation we had, and I started thinking that it was a big mistake not knowing you better.. Moreover It wasn't a secret that I began to enjoy your company.. I began to appreciate being friends..

>
After all these days.. and what we've been through I want to thank you for believing in me and appreciating my presence in your life (knowing that I'm a big khawwta)..
Imposing your friendship to my life was a great effort from you to do and I really appreciate that you were so insistent in having me as a Friend.
I know we couldn't spent much time together.. I hope we'll have this opportunity in the future.
>

Thanks for being my Friend.
I will miss you a lot.
May your future life be filled with God's Blessings.

Stay safe, Until we meet again.
Khawwta

2007-08-07T09:20:00.000+03:00

I received the below e-mails from a "FRIEND"

::::::::::::::::::::::::::::::::::::::::::::::::::::::::::::::::::::::

Hi....Im so BAD.

Days are running crazy. The job routine is taking all of my attention and for the sudden i realise that im loosing good Friends in Lebanon. I have to make more effort to keep in tch since i really love my people, and you are one of them of course.

Tell me about you. The most I hope that you are not like all the others 'MIT3ASSBI' to your political opinion. All the people I talk to are so tensioned and nervous and they think and see in one eye, one direction, and listen to one F U C K I N G leader. Please try to be different.

What we need again is to love and to understand each other. My family and I have lived and suffered the civil war and once is more than enough. Lebanon is going back there, to that point where heroes are going to blow their angry against wrong victims. Please stay different.
Take care.

Yours ....

:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Kifik ya khawta i miss you.

Yes I watched the last elections and i feel Lebanon is moving backward, unfortunately. I started hating flags and colors and parades. I can not stand seeing more SHOHADA ....

I've always waited for change in my country, but it seems that some times it is better not to change in such way. I love Lebanon for no specific reason, its like I have it in my blood, but country means good people and unforgettable moments, my country lives in my heart as a song that never gets old.
I feel that time means nothing, I still have your smile in my heart.

2007-08-01T07:55:00.000+03:00

عيد الجيش .. عيد لبنان

بالقلب يا وطن

2007-07-26T11:16:00.000+03:00

Living with a conscience is like driving a car with the brakes on. (Budd Schulberg)

Have you ever noticed that anybody driving slower than you is an idiot, and anyone going faster than you is a maniac? (Georges Carlin)

2007-07-12T10:06:00.000+03:00

رئيس بهالحجم.. وطن بهالحجم

لفتلي نظري إنو كتار علقوا على الوثائقي يللي حضروا جورج غانم عن "الشيخ بيار الجميل"
حبيت إكتب كم كلمة عن إنسان كتير بحترمو وقدّم كتير للبنان بالفكر وبالدم.. ما بظن في عيلة عطت شهدا عقد ما عطت هالعيلة.. (مع العلم إني مش كتائبية)
ما رح فوت بديباجات مين كان مع مين بهديك الفترة ومين كان ضد مين
بدي إلفت النظر وعلّق عكم نقطة:
بالأول الشيخ بيار الجميل "ما ساوم عالكيان اللبناني لمصلحة أي كيان تاني" كان بدو لبنان بخصوصيتو وتميزو فوق كل إعتبار كرمال هيك قال "لبنان اولاً وآخراً"

تاني نقطة بخصوص تهمة التعامل مع إسرائيل: خلينا نستعمل عقلنا شوي ونفهم يلي صار بهاديك المرحلة ونشوف شو كان عم بيصير عالأرض اللبنانية:
كان عنا الفصائل والحركات على أنواعا يلي طلع عبالا تهدم لبنان تتحرر أرضا،
الكيان اللبناني يلي قتلوا حالون جدودنا ليتشكل كان مهدد،
المسيحيّين كان بدون لبنان وبس لبنان عزلون وقروا إنو إلون الحق بالمقاومة ليحافظوا علبنان متل ما هوي ولكل الطوايف مش لطايفة وحدة.. يعني لما طريق مدري أي منطقة بدا تقطع من الأشرفية او من جونيه او من كسروان بتخايل أنا كنت تحالفت مع الشياطين تأقطش إجر كل واحد مش لبناني بدو يقطع عهالطريق..
كل الأجانب عندون الحق يحملوا سلاح ليحرروا من لبنان، وبالمقابل الجيش ما عندو قرار ليتحرك..
حتى عبد الناصر صار بدو يتحرك بلبنان.. وسوريا الشقيقة لاقت إنو شقفة هالأرض بتسوا تكون مكسر عصا لمصالحا..

تالت نقطة: أوعا حدا يشكك بلبنانية الشيخ بيار الجميل او إبنو بشير الجميّل لأن هالتنين ما بقى يجي متلون وهني فخر كبير بتاريخ لبنان..
النقطة الأهم يلي بدي قولا عن بشير الجميل هي لما حكي جورج غانم عن الإغتيال قال إن الشيخ بيار : "فقد إبناً بهذا الحجم"، بالفعل إبن بهالحجم ما بيتعوض مش بس للبي وكمان للبنان، راح وما بقى يجي متلو..
ما بقى حدا يتهم بشير الجميل بالتعامل.. يعني يللي عم يتعاملو مع سوريا وإيران "السلام عإسمون" نضاف؟ يلي ما عم يسمحو لشباب الجيش يفوتو عمناطقون خايفين عسلاحون او علبنان؟ هودي بدّون يعمرو لبنان أو يدمروا لبنان.. هودي الي بدون التقسيم لما بيعملوا دولة بقلب لبنان..
يلي عم يسمحوا للمنظمات الفلسطينية يحاربو إسرائيل من أرضنا "السلام عإسمون" ؟ ويلي بدون يحاربو أميركا من لبنان بسلاح إيران هني شرفا وأقدس الناس؟
معقول بعد في سلاح مع جماعات مقررة تخرب لبنان، تحرر فلسطين من لبنان، وتقاتل العدو الصهيوني من لبنان.. ولك لو بتفكّو عن لبنان
ما بقى حدا يغني غير للجيش اللبناني.. ما في أحبائي غير الجيش اللي عم يروحو فدا قضية مش قضيتنا
عيب عكل واحد بيسمح لحدا مش لبناني يمس بتراب لبنان..
حاجي تنادوا بقى بالقضية الفلسطينية.. في قضية لبنانية وبس

آخر همي إسرائيل شو عم تعمل.. مهم ما حدا يقرب صوبنا.. روحوا حرروا الجولان من سوريا، وحرروا فلسطين من حيفا.. وخلّي إيران تحارب المسيحية والأميركان وتموّل الحركات اللي بدا ياها بعيد عن أرضنا..
حلو بقى عن هالبلد.. كفوا إيد الإغتيال عن شبابنا.. خسرنا شباب ما بيتعوّضوا
ما بقى حدا ينادي شي بالقومية.. شي بالعروبة.. شي مدري بشو
نادوا بس بلبنان.. افتخروا بهاللبنان.. صايرلكون بلد متل هالبلد ما تخسروا
عكل حال المش عاجبوا الكيان اللبناني.. بيقدر يفتش عن غير كيان ينتمي إلو ..

خسرنا "رئيس جمهورية" بهالحجم وما بدنا نخسر "وطن" بهالحجم..